Egilea: izerditan blai

Iepa kaxo!

Asteburuko euri jasek ez gaituztenez eraman, eguzki printzekin gatoz beste astebetez zuengana. Gaurkoan beti bezala lehengo zatian emaitzak izango ditugu, saskibaloiko garaipen handiari errepaso sakona eginaz.

Honez gain surfari tarte berezia eskainiko diogu. Matematikekin arazo batzuk izan arren 11. aldiz Kelly Slater izan dugu ASPko txapeldun. Bere ibilbide luze zabala ez dugu sakonduko askorik baina egin duen lana goraipatuko dugu. Txapel hau Kaliforniko San Francisco Rip Curl Pro 2011 lehiaketan irabazi du nahiz eta froga hau agian bere oinordeko izango den Gabriel Medinak irabazi duen.

Surfarekin jarraituaz kantauri aldera egingo dugu salto. Goi mailako txapelketen ereduak alde batera utziz liga parte hartzaileago baten aldeko apustua egin dute. Proiektu honen berri emango dizuegu gaurkoan. Zuen aldetik zerbait gehiago jakin nahi ezkero honen inguruan bixitatu Kantauri Surf Ligaren web orria.

Saioa amaitze aldera hondartzatik mugitu gabe plaieroetako kiniela egingo dugu beste, gogoratu zuek ere parte har dezakezuela feizbukaren bidez edota gure helbide elektronikora idatziaz izerditan@arraio.net

Bukatzeko 4. Emayonk Lori pala txapelketa errepasatuko dugu, ligako eta kopako kanporaketak amaitzear daude eta gogoratu larunbatean 11tan Manuelako Fronotoian izango dire finalak.

Iepa kaxo!!

Hemen gara beste asteazken bat gehiagoz zuoi saio berri bat eskaintzeko. Gaurkoan zarauzko taldeen emaitzak izango ditugu, atal batzuk jai izan duten arren lana fin egin dutenen emaitzak ekarriko ditugu.

Honez gain surfari ere tartetxo bat egingo diogu, California aldera joango gara bertan San Francisco Rip Curl Pro Search 2011 txapelketa habian baita.

Hondartzan jarraituz igande honetan izan dugu playerotako beste jardunaldi bat. Hemengo emaitzak zuenganatzeaz gain gure kinielan nork asmatu dituen gehien, eta gutxien jakinaraziko dizuegu.

Azkenik 4. emayonk/lori pala txapelketako emaitza batzuk dakizkigunez hauek ere emango dizkizuegu. Bukatzeko azaroan zehar egingo ditugun elkarrizketak zeintzuk izango diren aurreratuko dizkizuegu. Ez hutsik egin eta entzun Arraio irratia 20.00tatik aurrera!

Iepa kaxo!!

Udazken beteko giro honetan etxean goxo goxo entzuteko saio aparta prestatu dugu. Beti bezala zarauzko taldeen emaitzak aipatuko ditugu, eskubaloian berriz ere senior talde denek irabazi dutela da albiste. Futbolean neskek bakarrik eman digute poza eta saskibaloian denetarik izan dugu, areto futboleko berdinketa ahaztu gabe.

Emaitzen ostean hondartzara egingo dugu salto, Peniche aldean Rip Curl Pro Portugal 2011 txapelketa amaitu berri denez bertan gertatutakoa aipatuko dizuegu.
Hondartzan jarraituaz playerotako emakumezkoan 2. eta gizonekoen 3. jardunaldiak zein emaitza utzi dizkigun emango dizkizuegu. Sailkapenak nola dauden ere aipatuko ditugu.

Bukatze aldera zarauzko BTT taldeak denboraldi berri honi hasiera eman diola gogoratuko dugu, baita aurtengorako zein asmo dituzten ere. Bestetik ez ahaztu Zarauzko Kirol Elkarteko bazkideek urteroko batzarra dutela gaur 19.30tan kirol elkarteko areto nagusian.

Azken azkenik 4. Emayonk Lori pala txapelketako emaitzak emango ditugu, lehen fasea amaitzeko oso egun gutxi geratzen badira.

Hau dena 20.00tatik aurrera Arraio Irratian!

Iepa kaxo!

Gaur batzuentzat egun berezia izanagatik ere guk betikolez gure saioa egingo dugu. Lehendabizi gure herriko taldeek izan dituzten emaitza errepasatuko ditugu, eskubaloiko talde guztiek garaipena lortu dutela azpimarratuz.

Ondoren Hossegor aldera joko dugu, bertan Quiksilver Pro Fance 2011 txapelketak aurrera darrai, eta honen berri ere emango dugu.

Hondartzan jarraituaz playerotako emaitzak ere ezin eman gabe utzi. Aurreko igande goizeko emaitzez gain gaur goizean izan direnak ere aipatzen saiatuko gara.

Azkenik, gaurkoan denbora izango dugulakoan, pilotari historikoari ere txanda egingo diogu. 4. Emayonk Lori pala txapelketaren emaitza batzuk ere zuenganatuko dizkizuegu.

Hau dena Arraio Irratian, jai faxixtekin bat egiten ez duen irratian, 99.3an!