Egilea: izerditan blai

Apa kaxo!

Azken aste hauten eskubaloiko eta saskibaloiko taldeen inguruan dexente mintzatu gara, gaur ez da gutxiago izango, aste honetan lortu baitute bi taldeek mailaz igotzea.

Honez gain, izan ditugun beste emaitzak ere errepasatuko ditugu, areto futboleako porrota kasu.

Surfari ere tartetxo bat eskainiz, aurrena gipuzkoako txapelketako emaitzak emango ditugu eta ondoren Brazilen amaitzear dagoen Billabong Rio Pro 2012ra joko dugu.

Pagoeta mendi lasterketari ere aipu bat egingo diogu asteburuan izan baikeneun proba herrikoi hau.

Azkenik II. futbito txapelketa izango dugu mintzagai, final laurdenak jokatuta zein final erdi dauden jakinaraziko dizuegu, ez ahaztu Arraio Ballekano bertan aurkitzen dela!!

Apa kaxo!
Gaurkoan denok egingo duzue bat gure saioarekin, eguraldia gure alde baitago. Aste honetako saion makina bat kontu ditugu zuei eskaintzeko. Eskubaloian gizonezkoek 1. territorial mailan jarraitu beharko dute beste urte betez 2. nazionalera igotzerik lortu ez baitu. Bestalde asteburu honetan izango du Ohorezko B maila igotzeko fasea seniorren lehen taldeak.

Saskibaloian albiste gazi-gozoak ditugu, emakumezkoek ez dute lortu lauko finalean aurrera egiterik eta beraz maila berdinean jarraitu beharko dute. Gizonezkoek aldiz esku eskura dute EBA mailara igotzea.

Surfean Kalifornia aldera joko dugu lehenengo, aurreko astean zuzenean ikusteko aukera izan genuan Nike Lowers Pro amaitu baita. Gaur bertan Billabong Rio Pro 2012 hasi da eta honen berri ere emango dizuegu.

Saioa amaitzeko gure futbito txapelketari tarte bat egingo diogu. Liga erregularra astelehenean amaitu zen eta final laurdenak ostiral honetan hasiko direnez zein partidu izango diren jakinaraziko dizuegu.

Apa kaxo!

Aurreko astean kale egin ondoren hemen gara berriz ere. Gaurkoan albiste txar bat dugu zarauzko kirol zale ororentzat, Joxe Mari Ortiz de Zarate, Fonsi, hil baitzaigu. Zarauzko Kirol Elkartean ia bizi osoa egin zuen, aurrena kirolari, geo entrenatzaile ondoren zundaritzan eta azkenik lan txikitan esku bat botatzen. Astelehenean gertatu zen ezbeharra eta ostiralean izango du azken agurra. Gure partetik omenaldi txiki bat egingo diogu gaurko saioan.

Fonsirentzat omenaldirik onena zarauzko taldeen jarraipena egiea dela uste dugunez honekin jarraituko dugu. Aste honetan emaitza gutxi izan ditugun arren futbolean preferentekoek zer egin duten esango dizuegu, baita saskibaloiko gizonezkoen emaitzak ere. Hauez gain aste buru honetan dugun kartelera errepasatuko dugu.

Hondartzako futbolean, hau da playerotan, txapelketako finalak izango dugu igande goizean beti bezala 10.30tan. Honez gain II. futbito txapelketako lehen jardunaldiko pare bat partidu jolastu direnez hauek ezingo ditugu aipatu gabe utzi.

Azkenik denbora baldin badugu eskubaloiko faseak aipatuko ditugu, Ohorezko B mailara igotzeko lehengo fasea zarautzen jokatuko baita Catalunyako Bordils, Galiziako Porriño eta Andaluziako Moguer-en artean.

Gaurkoan ere saio mamitsua dugunez ez hutsik egin 20.00tatik aurrera FMko 99.3an!