Press "Enter" to skip to content

Egilea: izerditan blai

Gaur hasiko dugu denboraldi berria Izerditan Blai-en

Iepa kaxo lagunak!!
Zer moduz joan zaigu uda? Espero dugu Orioko arraunlariei baino hobeto joango zitzaizuela. Gu ere ederki ibili gara 2 hilabete hauetan oporretan baina gogo biziz itzuli gara zuei herriko kirol saiorik onena eskaini asmoz.

Gaurkoan amaitu berri den San Migule Pro Zarautz surf txapelketa izango dugu gai nagusia. Bertan Gabriel Medinak emandako ikuskizuna goraipatuko dugu Peterson Crisanto eta Thiago Camaraoren erakustaldiak ahaztu gabe.

Honez gain beste gai batzuk ere jorratuko ditugu laburrago, arrauna, futbola eta besterenbat. Gogoratu kirol saio bikain hau entzuteko Arraio Irratia sintonizatu behar duzula 20.00tatik aurrera!
Thiago Camarao egurrean

Gurekin Jai-ren prentsa oharra

Iritsi zaigu iraila eta honekin batera euskal astea ere. Urtero bezala Gurekin Jai-k egitarau parte hartzailea osatu nahi izan du ostiraleko egun handirako. Aurten ere txosnak Arrona zaharreko parkinean izango ditugu eta eguerdiko 12tan irekiko dira. Bertan ordubiak aldera karroza lehiaketa izango dugu, herriko gazte eta helduek beraiek apaindutako karroak gerturatu eta desfile baten ondoren sari banaketa izango delarik. Ondoren gaztetxean egingo dugu bazkaria, bertan jan nahi duen orok izena eman dezala gaztetxean bertan. 7etan manifestazioa burutuko dugu musika plazatik txosnagunera “Gazteok independentzia eta sozialismoa” lemapean. Eguna ondo amaitzeko erromeri aparta izango dugu goizalderarte “Ingo al deu” taldearen eskutik, beraz badakizue Euskal Jai herrikoi parekide eta parte hartzaileaz gozatu nahi ezkero etorri txosnagunera.

Kontuan izan behar dugu dena ez dela festa izan azken egun hauetan. Aurten ere oztopo batzuk izan ditu eta hauek ezin ditugu salatu gabe utzi. Lehenik eta behin gure egitaraua aditzera emateko egin genuen kartelak hormetatik kenduak izan dira bertan izar bat eta Eduardo Chillidaren logotipo aski ezagun bat (amnistiarena) agertzen zirelako. Bi logotipo hauek ilegalak direla argudiatuz kartel gehiago ez jartzeko gomendioa jaso genuen edota bi marrazkiak tapatuta jartzeko. Gure ustez bi logo hauek guztiz zilegiak dira edozein karteletan agertzeko, eraso honen aurrean Gurekin Jai-k erabaki du karteletan agertzen diren beste logotipoak ere ezabatzea, ez baitugu onartzen bi marrazki horien ilegaltasuna. Bestetik ostiralean, txosnen irekiera egunean, estenatokian jarri zen pankartak ere amnistiaren marrazkia zeraman. Autoritateak ez zuen denbora asko behar izan dei bat egiteko, pankarta hori guk kendu ezean beraiek etorriko zirela esanaz. Istilurik ez gertatzeko guk jetsi genuen pankarta eta tapatu egin genuen. Gau bertan ere ertzainen autoa txosnagunera sartu zen bertakoen festagiroa zapuztuz. Astelehenean Patxwork-a zabaldu genuen lehortu asmoz, jakina da bertan agertzen diren argazkiak debekatuak izan direla baina tela zati hau zabaldu orduko berriz ere agertu ziren poliziak. Beste behin ere poliziaren presentzia itogarria izan da txosnagunean jasan ezina bilakatzeraino, edozein txikikeria nahikoa dute bertara gerturatu eta festa hauek antolatzen ari garenoi probokatzeko. Lerro hauen bitartez ozen salatu nahi ditugu gertaera hauek festak lasai eta patxadaz igarotzea nahi ditugu baina honelako errepresioarekin ezin dugu jarraitu. Ez dugu pelaiosanetako tentsio uneak errepikatzerik nahi, ez eta kaletik doazenak identifikatzea ere. Festaz gozatu nahi dugu gure aldarrikapenekin eta hemen ez ditugunak bertan izango bagenitu bezala sentitu debeku guztien gainetik.

Azkenik aurten lau txosna izango ditugula gogoratu nahi dugu, Gurekin Jai-en beste talde bat sartu zaigulako Zarauzko Arraun Elkartea hain zuzen. Oso garrantzitsua iruditzen zaigu ZAEk egin duen apustua, egoera ekonomikoak bultzatua herriko festetan parte hartze aktiboa izatera animatu da bertan egindako lanarekin zuloren bat estaltzeko asmoz. Honek argi erakusten du beste behin ere Gurekin Jai guztiz irekia dagoela beste edozein kirol talde, aisialdi talde edota gizarte eragileri. Denon artean jaiak herrikoiak , parekideak eta parte hartzaileak izaten jarraitzeko bidean ez izan erreparorik eta animatu zaitezte Gurekin Jai-en sartu eta festak antolatzen laguntzera.

Gurekin Jai

Alpeetako etapak erretrasmitituko digutu ostegun eta ostiralean


Iepa kaxo!!

Zer moduz? Gu ederki, aurreko ostegunean egin genuen lanarekin gustura geratu giñenez eta ziñetenez aste honetan ostegun eta ostiralean bi etapa garrantzitsuak erretrasmitituko ditugu.

Bihar bertan, uztailak 21 osteguna aurtengo etaparik gogorrenetarikoa izango dute txirrindulariek Galibier gain mitikoan amaituz historian lehen aldiz.

Ostiralean historia ikaragarria duen Alpe D’Huez mitikoan amaituko da etapa motza bezain erabakiorra.

Badakigu jada Pedro Mari Goikoetxeaz kokoteraño zaudetela eta Periko ere ezin duzuela jasan, beraz goza ezazu esatari atxegin bezain jakitunekin tourraren azken etapez. 15.00tako albistegiaren ostean sartuko gara, ez hutsik egien Voecklerrek egingo duen bezala!

Frantziako tourra bihar 15.00tatik aurrera Izerditan blaien eskutik


Iepa kaxo!!
Hemen gara berriz ere, asteazkeneko saioak amaitu ditugun arren saio bereziak egiteko gogoz gaude. Tourra pil pilean dagoenez pirineotako lehendabiziko etapa zuzen zuzenean zuei eskainiko dizuegu. Cugnaux-en hasi eta Luz Ardidenen amaituko den etapa honek 211 km izango ditu lehen mailako mendatea Hourquette d’Ancizan igo ostean Tourmalet mitikoa gainditu beharko dute Luz Ardidenen amaitzeko.
Pedro Mari Goikoetxea eta Periko Delgado jasan ezin badituzue sintonizatu Arraio Irratia 15.15tatik aurrera etapa bikain hau kontakizun ezin hobe batez gozatzeko.

Surfa ta borroka

Iepa kaxo!!

Hemen gera, festak amaituta oporrak hartu aurreko azken saioarekin. Gaurkorako saio bikaina prestatu dugu, alde batetik larunbatean izan zen baltsa karrera izango dugu mintzagai. Iñoiz baino parte hartzaile gehiago izan ziren bertan ta guk elkarrizketa batzuk egin genituen.

Bestetik Axi Munian ta Kalpar etorriko zaizkigu, zarauzko surf eremuak banatzen dituzten banderaz gain herri honetan surfak ekarri duen turistifikazioa, masifikazioa ta beste hainbat kontuz jardungo gara.

Amaitze aldera, Txaparrotan 8, izango dugu kontuan, ostiraletik igandera bitartean desertu txikian jokatuko den hondartzako eskubaloi txapelketa.

Azkenik Izerditan bali irratsaioak Juli-Juli tabernan antolatutako Porra mutturran parte hartzera animatzen zaituztegu, honela izango da gure porra:Izen ematea 10 euro da, barran ordaindu behar da. Izena emateko azken eguna uztailak 1, ostirala izango da

Parte hartzaile bakoitzak egunero txirrindulari multzo ezberdin bat izango du, zozketa bidez banatuko dira lehengo egunetik.

Egunero 2 sari emango dira (kafea eta txupitoa/ zuritoa eta pintxoa) etapako garaliea izan den txirrindularia duen parte hartzaileari eta egun horren liderra den txirrindularia tokatu zaion parte hartzaileari.

Tourraren amaieran beste sari bat emango da, sailkapen metatuaren saria, hau puntu gehien eskuratzen dituen parte hartzailearentzat izango da.

Puntuak honela banatuko dira:
Etapako garaileak 10 pnt. Lider dagoenak 8 pnt.
Bigarrenak 7 pnt. Mendiko liderrak 6 pnt.
Hirugarrenak 5 pnt. Erregulartasunaren liderrak 4 pnt.
Laugarrenak 3 pnt.
Bostgarrenak 1 pnt.
Taldekako erlojupekoan ez da etapako punturik banatuko taldeak irabazten duelako eta ez txirrindulari batek.