Egilea: izerditan blai

Podcast: Play in new window | Download

Iepa kaxo!

Biharko saioan, lehendabizi herriko taldeen emaitzak errepasatuko ditugu betiko moduan, saskibaloiko lehendabiziko taldeen garaipenak eta eskubaloian Andaluziatik ekarritako bi puntuak besteak beste.

Honetaz gain, Gerard Brgidek Eskoziaren kronika ekarriko digu Edinburgotik. 6 nazioen txapelketa azken txanpan sartu da eta gauzak argitzen ari dira.

Ondo bidean Kortxero Zikiñaren bixita ere jasoko dugu. Aurreko astean bere falta somatu genuen etzandako surfaren zirkuituaren gora beherak kontatzean. Gure kezkak argitzeaz gain lehen frogako emaitzak ekarriko dizkigu. Zutikakoari ere tarte bat egingo diogu Gold Coasteko emaitzak errepasatuz.

Azkenik playerotako kiniela egingo dugu, igande honetan beste jardunaldi bat izango da goizeko 9.30tan.

Podcast: Play in new window | Download

Iepa kaxo!

Itsasaldiak gogor jo arren gure saioak ez du etenik. Aste honetarako ere makina bat kontu ditugu zuentzat. Lehendabizi herriko taldeen emaitzen errepasoa egingo dugu, aipatzekoa moduko garaipena lortu zuten futboleko mutilek baita areto futbolekoek ere.

Honez gain playeroei ere egingo diegu tarte bat, igandean amaitu zen fase erregularra eta datorren jardunaldian final laurdenak jokatuko dira. Bertan izandako emaitzak errepasatzeaz gain kanporaketen berri emango dizuegu.

Azkenik surfeko kontuak ekarriko ditugu gela arroxera. Australian hasi da maila goreneko zirkuitua zutikako surfean eta Hawaien etzandakoa. Gold Coastetik ez dugu albiste onik Aritz Aranburu kalera joan baita. Pipelinetik aldaketa haizea datorkigu, orain arte zirkuitua antolatzen zuen IBA elkartea bertan behera geratu da eta APBk hartu du agintea.

Hau guztia asteazkenean 20.00tatik aurrera izango duzue entzungai FMko 99.3an , ondo izan!

Gaurko saioan gonbidatu berezi bat izango dugu, Iker Lizarriturri edota Lirtza, Niza, DJ doktorea, Likorriturri… Nahi diozuen bezala deituta ere bere ibilbide oparoan kirol askotan aritu da. Orain oso gutxi ebakuntza bat egin berri diote bere hankan eta entrenatzera joan ezin duenez gure estudiora gonbidatu dugu. Berarekin saskibaloiaz jardungo gara gehinbat, baina beste kirol batzuk ere aipatuko ditugu, playeroak esaterako.

Gerardo Puente, Gerard Brigde bilakatu zaigu berriz ere eta Eskoziaren garaipenaren kronika eskainiko digu telefono bidez.

Elkarrizketa hauez gain playeroen kiniela egingo dugu, aste honetan beste jardunaldi bat dugulako igandean 10.30tan. Igande honetan otsailaren 2an atzeratutako jardunaldia jolastuko da, beraz nahi duenak kiniela alda dezake.

Hau guztia 20.00tatik aurrera FMko 99.3an!

Podcast: Play in new window | Download

Iepa kaxo!

Aste honetako saioan kirolari historikoak izango ditugu izpide. Marko Pantaniren heriotzaren 10. urteurrena pasa denez bera izango da gure protagonistetako bat, baina ez bakarra.

Gainera Gerard Bridge izango da gure estudioan, Gerardo Zubi bilakatuta beraz saio berezi bat egiteko aukera ezin hobea. Zuen gustokoa izango delakoan, bihar 20.00rak arte!

Podcast: Play in new window | Download

Iepa kaxo entzule maiteak!

Aste honetan gela arroxean ez dugu gonbidaturik izango, gure bidali berezia den Gerard Bridgeren telefono deia jasoko dugu. Murrayfielden jokaturiko partidaren kronika berezia ekarriko digu berak, 6 nazioen txapelketako bigarren jardunaldian Eskozia eta Ingalaterra izan bait ziren nor baino nor.

Hau baino lehen ordea, herriko taldeen emaitzak errepasatuko ditugu, futbolean mutilen albiste txarrak eta nesken berri onak nabarmenduz.

Saioa bukatzeko playerotako kiniela egingo dugu, eguraldiak bertan behera uzten ez baditu behintzat igandean 10.30tan beste jardunaldi bat izango baita. Hau dena asteazkenean 20.00tatik aurrera FMko 99.3an!