Egilea: izerditan blai

Podcast: Play in new window | Download

Kaixo entzule maite!

Udaberri usainarekin gatoz gaurkoan zuei kirol saio berri bat eskaintzeko asmoz. Biharko saioan Ainara Aymat surflari zarauztarra izango dugu gurean. 2017ko urte honi hasiera ona eman dio, Europako zirkuituko bigarren postuan aurkitzen da zarauztarra, Garazi Sanchezen atzetik eta mundu mailako rangkinari dagonionean 47. dago. Gorantz datorren surflari honi egingo diogu elkarrizketa, aurtengo denboraldirako zein helburu dituen, honaino iristeko bidean izan dituen zailtasunak zeintzuk izan diren eta beste makina bat kontu.

Honez gain ezin ahaztuko dugu hondartzako futbola edota beste modu batera esan, playeruak. Igande goizean emakumezkoen fase erregularreko azken partidak izango dira jokoan. Gizonezkoetan aldez ligako final laurdenak alde batetik eta hondartzako hondarra bestetik… emoziok beteriko goiza aurreikusten da. Badakizu hau denaz gozatzeko, sintonizatu Arraio Irratia, 18.00tatik aurrera FMko 99.3an!!

Podcast: Play in new window | Download

Iepa kaixo entzule maite!

Biharko saioan hainbeste maite ditugun kirolari historikoak gogora ekarriko ditugu. Hori baino lehen ordea hondartzako futbola edo playeroen emaitzak aztertuko ditugu. Mutilen fase erregularreko azken partida jokatu zen eta jada badakigu zein kanporaketan izango ditugun ligako final laurdenetan, baita kopakoan ere. Neskek ordea beste jardunaldi bat gehiago dute liga erregularra amaitzeko, beraz oraindik zain egon beharko dugu kanporaketa guztien berri izateko.

Bestalde, historikoen atalean, kirolari moduan aritu ostean (edota bien bitartean) politikara jauzia eman duten hainbat eta hainbat izen ezagun errepasatuko ditugu. Asko dira mundu zabalean bide hau hartu duten kirolariak, gure inguruan ere baditugu zenbait kasu: Xabier Mikel Errekondo, Martinez de Eulate, Titin III., Jon Redondo…. Kirol ezberdinetatik talde politiko ezberdinetara jo dute askok, batzuek lan gutxi eginaz besteak aldiz oso konprometituta. Hauen denen berri izateko ez hutsik egin ostiral arratsaldean 18:00tatik aurrera eta sintonizatu Arraio irratia FMko 99.3an!

Podcast: Play in new window | Download

Kaixo entzule maite!

Biharko saioan playeroen 13. jardunaldiko kiniela egingo dugu. Inauteriko igandean izango diren partidak, mutilen fase erregularreko azkenak izango dira, neskei ordea beste jardunaldi bat geratuko zaie lehendabiziko fase hau amaitzeko.

Honez gain Irati Fernandezi eginiko elkarrizketa izango duzue entzungai. Donostiar hau saskibaloi ataleko prestatzaile fisikoa dugu, batez ere lehendabiziko taldearekin aritzen da lanean. Prestatzaile fisiko baten lanak zeintzuk diren hobeto ezagutzeko balioko digu elkarrizketa honek. Ardura honetaz gain Gipuzkoako Federazioko Kirol egokituko teknikaria ere badenez, honen inguruan ere galdera batzuk egin dizkiogu. Normalean gutxi jorratzen den esparrua izaki oihartzun apur bat emate aldera.

Beti bezala hau dena bihar, ostirala, 18.00tatik aurrera Arraio Irratian, FMko 99.3an!!

Podcast: Play in new window | Download

Kaixo entzule maite!

Biharko saioan playeroen 12. jardunaldiko emaitzak errepasatuko ditugu. Azken txanpa honetan ezusteko bat edo beste gertatu zen Zarauzko hondartzan, sailkapena pil-pilean jarriz.

Honez gain Mikel Ayerbe palista ohia izango da gurean. Urte askoren ondoren iaz hartu zuen erretiroa pala profesionalaren mundutik. Ezin dugu ahaztu 2012an binakako munduko txapelketa irabazi zuela Esteban Gaubekarekin. Biharko elkarrizketan kirol honen xehetasun gehiago ezagutzeko aukera izango dugu. Zuk galderarik egin nahi baduzu erabili ezazu gure facebookeko horma.

Beti bezala saio hau entzungai izango duzue 18.00tatik aurrera Arraio Irratian, FMko 99.3an!!

Podcast: Play in new window | Download

Kaixo entzule maite!

Gaurko saioan playeroetako 12. jardunaldiaren kiniela egingo dugu. Fase erregularra amaitzen ari den honetan, sailkapena are eta gehiago estutzeko edota gauzak argitzeko oso garrantzitsua izango baita.

Honez gain errugbyari eskainiko diogu tarte zabal bat, jakingo duzuen bezala aurreko larunbatean hasi zen 6 nazioen txapelketa. Oraingoan ere Paul Altuna Riaño izango da gurean Gerard Bridgeren laguntzarekin 2017an gertatuko denaren inguruan hitz egiteko. Denbora badugu Zarauzko Rugby Taldeari ere tarte bat eskaintzen saiatuko gara.

Hau dena beti bezala 18.00tatik aurrera Arraio Irratia irratian, FMko 99.3an!!