Press "Enter" to skip to content

Egilea: Ahuntzaren Gauerdiko Eztula

Denok libre!

Ahuntzaren Gauerdiko Eztula Ahuntzaren Gauerdiko Eztula
2015-11-01

Podcast: Play in new window | Download

Kaixo ahuntzaleok!

Bueltan gatoz aste honetan ere hainbat konturekin. Madrilen epaiketa politikoen aurka egindako mobilizazioaren harira, hango kideekin hitz egingo dugu estatuaren errepresioaren inguruan. Beraiek ere jopuntuan dituzte sarritan, eta hango kasuen inguruan arituko gara.

Aspaldiko partez, Malintxe jauna ere gurekin izango dugu, eta etxeko lanak eginda gainera, errefuxiatuen auziaren atzean dagoenaz hausnartzeko.

Hoixe ba, ez galdu! Igandero 21:00etatik aurrera, Arraio Irratian! FM 99.3!

CSqdfK0WsAES8jO

Putzuzulok 10 urte!!!

Ahuntzaren Gauerdiko Eztula Ahuntzaren Gauerdiko Eztula
2015-10-24

Kaixo Ahuntzaleok!

Joan den asteko ezinbesteko hutsunearen ondoren, irratsaio berezi batekin gatoz aste honetan.10. urteurrena betetzear da urte guztiotan gure habi izan den Putzuzulo Amets Fabrika, eta nola ez, bertako kideak izango ditugu gonbidatu gela arroxean. Eraikin zahar honetako atea bota genuenetik gaur arte eraikitako amets guztiak errepasatuko ditugu haien laguntzarekin, eta urteurrenaren inguruko kontuak eta aurrera begirako asmoak ere azalduko dizkigute xakelakideek. Horiek, eta asteak utzitako kontu gehiago, noski.

Zuk ere parte hartu dezakezu noski, zure bizipen, iritzi, lausengu edo kritikarekin. Deitu beldurrik gabe Arraiora, edo idatzi sare sozialetan!

Ez galdu igande honetako saioa! 21.00etatik aurrera, FM 99.3an! Gora Putzuzulo!

Putzuzuloren urteurreneko egitaraua.
Putzuzuloren urteurreneko egitaraua.

Alternatiben HERRIA

Ahuntzaren Gauerdiko Eztula Ahuntzaren Gauerdiko Eztula
2015-10-17

Podcast: Play in new window | Download

Lehengo asteko deskantsuaren ostean gogo biziz eta irrikaz gatoz igande hontan. Bai hoixe.

Datorren astean, urriaren 24an, Bilbon, Alternatiben Herria egingo da. Egunaren zehar, Bilboko erdigunea, herri txiki bat bihurtuta, hausnarketaz, alternatiba praktikoz eta baikortasunez betetzeko helburuarekin.

Mobilizazio eraikitzailea, denentzat tokia eginez. Gune bakoitzean, arlo bakoitzean martxan dauden alternatibak ezagutaraziko dira jarduera ezberdinen bitartez: hitzaldiak, mahai inguruak, azoka, tailerrak, kale ikuskizunak, jolasak,…

2015-06-11, Bilbao. "Alternatiben Herria-El Pueblo de las Alternativas" Euskal Herriko Gizarte Eskubideen Gutunak eta beste gizarte elkarte batzuk bultzaturiko ekinbidea. Argazkian, aurkezpena. 11-06-2015, Bilbao. Presentación de la iniciativa "Alternatiben Herria-El Pueblo de las Alternativas", iniciativa promovida por la Carta de Derechos Sociales de Euskal Herria y otros colectivos. En la imagen, la presentación.

Guzti hontaz aritzeko Olatz Doñabeitiarekin arituko gara

Zirriren faltan, Madriden izango baitugu astelehenean hasiko den internazionalismoaren aurkako epaiketa jarraitzen ahuntzako erreportari moduan, Malintxe handia izango dugu aspaldiko partez. Eta noski, betikoak.. Sozi eta Edonato.

Hortaz badakizue. Beste irratsaio interesgarri bat igandean 21’etatik aurrera FM 99.3an

Adiorik ez

 

Gure kabuz ala hil

Ahuntzaren Gauerdiko Eztula Ahuntzaren Gauerdiko Eztula
2015-10-04

Podcast: Play in new window | Download

Kaixo Ahuntzaleok!

Saio ederra prestatu dizuegu igande honetarako ere. Hasteko, Topatu.info atariak eta Ernai gazte antolakundeak elkarlanean egindako proiektu bat ezagutuko dugu: Gure kabuz ala hil izeneko dokumentala. Oraintxe ari dira bete-betean, sistema kapitalistaren aurrean Euskal Herrian loratzen ari diren askotariko alternatiba sozioekonomikoak bildu eta ezagutzen. Egiten ari diren lanaren berri emango digu Landerrek zuzenean.

Bestetik, Askapena erakunde internazionalista epaitzekotan diren honetan, bertako kide Julen Zulaikarekin hitz egingo dugu. Ugaritzen ari dira herriz herri Espainiako Estatu inperialista jomugan jarri duten herri epaiketak, eta horien eta beste zenbait konturen berri emango dugu.

Ez galdu, igandero bezala, 21:00etatik aurrera Arraio Irratian! FM 99.3!

 

 

Txiki eta Otaegi gogoan

Ahuntzaren Gauerdiko Eztula Ahuntzaren Gauerdiko Eztula
2015-09-26

Kaixo ahuntzaleok!

Saio betea izango dugu asteburu honetan ere. Igandean bertan dira 40 urte frankistek Jon Paredes Manot ‘Txiki’ zarauztarra, Angel Otaegi nuarbetarra eta FRAPeko José Luis Sanchez Bravo, Ramon Garcia Sanz eta Jose Humberto Baena Alonso hil zituztela. Ahaztuak 1936-1977 elkarteko kide Martxelo Alvarez izango dugu gurekin, hilketei eta haiek gogoratzeko ekitaldiei buruz hitz egiteko.

Nazioartera ere joko dugu, ordea. FARC gerrillak eta Kolonbiako Gobernuak lortutako bake akordio historikoaren berri izango dugu lehen eskutik, Jorge Marcha Patrioticako kide eta kolonbiar errefuxiatuarekin. Gainera, Emakumeen Mundu Martxa datorren astean da pasatzeko Urola Kostatik, eta antolatzaileetako batekin hitz egiteko aukera izango dugu.

Ez galdu ba! Beti bezala, igandero, 21:00etatik aurrera Arraio Irratian! FM 99.3!!!

otaegi txiki