Press "Enter" to skip to content

Egilea: atalka

KOSTA KASTA 5.irratsaioa

atalka atalka
2019-02-27

Podcast: Play in new window | Download

Kaixo entzule maiteok!
Badator otsaileko Kosta Kasta irratsaioa! Gaur, Ikastolako DBH 4. mailako ikasleok gure bosgarren saioa emitituko dugu Arraio Irratiko uhin hauetatik! Oraingoan, hainbat kontu izango dugu mintzagai. Hasteko, martxoak 8ko greba feministaren inguruan arituko gara eta kalera aterako gara iritziak entzuera. Kmk-tako atalean, erropa lan-taldeko Jaione Peña eta Arantxa Iturria elkarrizketatuko ditugu, eta elkarrizketekin jarraituz, Joxepo Teresekin ere elkartu gara bere ibilbidearen nondik norakoen berri izateko. Hortaz gain, kirolen atalean emakumezkoen futbola ekarriko dugu irratira eta amaitzeko, ihauterietarako mozorro proposame batzuk emango dizkizuegu! Tartean, zozketa ere izango da, noski!
Gogoratu, gaur, iluntzeko 19:00etan Kosta Kasta Arraio Irratian!
Piztu 99.3 fm!
Instagram: @kostakasta
Zuzenean ezin baduzu entzun, irratsaioa webgunean entzugai izango duzu:

Emakume surflari bargastak

atalka atalka
2019-02-21

Podcast: Play in new window | Download

Ikasturteko bosgarren saioan Emakume surflariak izan ditugu protagonista: Lo eta Miriam Imaz zarauztarrak eta Aurori oriotarra. Beraien esperientziak, ibilbideak eta bizipenak azaltzeaz gain, Emakumea Surflari egitasmoaren xehetasunak ere azaldu dizkigute, bertan parte hartzeko gonbita egitearekin batera, noski! Datu esanguratsu bat ere eman digute, iazko edizioan guztira 500 emakumek parte hartu zuten eta surfa praktikatu.

Nymeria gaurkoan “Sense8” telesailaren inguruan aritu zaigu. Wachowski ahizpen “perlatxo” bat.

Amaitzeko hilabeteko hitza ere presente izan dugu; beste harribitxi bat gure hiztegitxorako: Motxina, alua.

#bargastak #matxardak #matrakak

Ezagutzen al duzue Bechdel testa?

atalka atalka
2019-02-07

Podcast: Play in new window | Download

Goya sariak banatu dira eta Oscarretarako izendapenak argitaratu dira dagoeneko. Bi jaialdi hauetan nagusitu diren filmak errepasatuko ditugu gonbidatu berezi baten konpainian. Gaurkoan gurekin izango da Iraia Elias aktore eta Atalkari ohia.

Eta bide batez, filmak betaurreko moreekin aukeratzeko test bat aurkeztuko dizuegu, Bechdel testa.  Ba al dakizue zer den eta zertarako balio duen?

Honen guztiaren inguruan solastuko dugu gaurko Zinema Itsuan.

21:00etatik aurrera, Arraio irratiko uhinetan!

Kosta Kastaren 4.irratsaioa

atalka atalka
2019-01-30

Podcast: Play in new window | Download

Kaixo entzule maiteok!
Hemen gatoz berriz ere Kosta Kastako irratsaioarekin Ikastolako DBH4. mailako ikasleak! 2019ko urteko lehen irratsaio honetan, elkarrizketa interesgarriak izango ditugu entzungai! Besteak beste, Kilometroak antolatzen ari diren ikuskizun lan taldeko Fernando Rojo eta Mertxe Isasti, Euskadiko torneoan parte hartu duten gure ikaskide Maddi Usandizaga eta Aimar Unanue eta Ikastolako lehen ikasle kintako Mireia Arruti eta Joxan Elola. Hortaz gain, neguko solstizioaren inguruan ere arituko gara eta hilabetero bezala, Kosta Kastako zozketa paregabean parte hartzeko aukera izango duzue!
Gogoratu, bihar asteazkena, urtarrilak 30, iluntzeko 19:00etan Kosta Kasta Arraio Irratian!
Piztu 99.3 fm!
Zuzenean ezin baduzu entzun, irratsaioa webgunean entzugai izango duzu:

2018ko errepasoarekin hasi dugu bargastok urtea

atalka atalka
2019-01-24

Podcast: Play in new window | Download

Urte bargasta on!

Eta urtea ondo hasteko 2018an, Zarautzen, emakumeak protagonista izan diren hainbat gai aipatu ditugu: Judith Gagoren argazki-erakusketa, Edurne Epeldek Hik Hasi aldizkarian emandako zaintzaren inguruko elkarrizketa, Karmeldarretako mojek webgunea ireki zutela, Ainhoa Alberdiren “oxido” antzerkia, Emakumeak Planto Zarautzen etab.

Nymeriak beti bezala bi gomendio ekarri dizkigu. Telesailari dagokionez, “Jane, the virgin” izan du hizketagai eta liburuen atalean, Daniele Sarriugarteren “Erraiak“.

Saioa bukatzeko, #hilabetekohitza ez da falta izan: matraka!!! Beti bezala, gure adiera eman diogu, :D.