Press "Enter" to skip to content

Hilabetea: azaroa 2018

Ttirriki ttarraka lehen irratsaioa entzungai duzue!

Lehen irratsaioa osatu dugu ttirriki-ttarraka hankak lurrean arraio irratian. Sara Letamendiarekin zolda-belarra izan genuen hizpide, hilero eta  hirugarren asteetan egingo dugun sendabelarren atalari hasiera emanez.  Aizarnarrak noiz bildu, nolakoa den eta batez ere zertarako erabili azaldu zigun. Izan ere, aspalditxokoa dugu landare honen ezagutza gurean; golpe eta okertuentzat eta batez ere hezurrak josten, bere izenari zordun. Sustraiekin eta kanpo erabileran beti ere, nola egin ukendua, olioa edo alkohola azaldu zizkigun. Jarraian , Iban Zabaltza botanikoa eta Blaseneako kidea izan genuen . Berarekin, Elkanon duela 15 urtetatik hona duten   Blasenea landare mintegia erakutsi zigun, zer den, nola sortua, zergatik… Solasaldi ederra osatu genuen eta landare ekologikoak ekoizteaz gain, bestelako proiektuen berri ere eman zigun  eta azaroan gaudenez, hazien aroa edo hila, gaur egun haziengan transgeniko eta transnazionalek duten kontrola eta geure haziak izatearen garrantziaz jardun zigun Ibanek. Eta musika eta bestelako hainbat kontu ere izan ziren… Entzungai duzue beraz irratsaio osoa, on egin! Datorren astean ostegunez,  19:30 20:30 artean, hobeto ez dakit baino gehiago seguru!

Mirene Begiristain izan dugu gaur gela arroxean!

Gaur gure 2.saioa izan dugu!
Mirene Begiristain izan dugu hilabeteko protagonista, zuzenean, gela arroxean. Besteak beste, agroekologia eta Emakume Baserritarrak izan ditugu hizpide. Galderatxoren bat edo beste bota gabe geratu zaigu baina beste saio batean jarraituko dugu berarekin berriketan. Gaurkoak entzunda badugu zer hausnartua eta pentsatua!

 

Hilabeteko telesailak eta liburua sorginen bueltan ibili dira: Sabrina eta Sorginduak (Embrujadas) telesail mitikoen remakeak. Liburua, berriz, Irati Jimenezen Nora ez dakizun hori.

 

Bukatzeko, hilabeteko hitza, Morkots! Gaztainaren kanpoko oskol arantzatsua eta emakumearen genitalak; ALUA.

#bargastakuhinetan

Pausuz pausu Amerikan barrena

Apa Kaixo!!

Beste asteazken bat motxila hartu eta gurekin bidaiatzera animatzen al zarete? Gaurko saioan Martxel Makazaga izango dugu gonbidatu berezi gisa Ithaka Ukatuz saioan. Hego Amerikan hasi eta Ertamerikan amaitu zuen bidaia zinez interesgarriagoaren nondik norakoak azalduko dizkigu.

8 hilabetetan zehar 6 herrialde ezberdin ezagutzeko aukera izan zituen abenturazale honek eta irrikaz gaude bertan izandako bizipen ezberdinak gurekin elkarbanatzeko momentua iristeko.

Piztu irratia eta zabaldu adimena 21:30tatik aurrera, ziur ez zarela damutuko!

 

Herriko taldeen emaitzen errepasoa eta playeroen kiniela biharko saioan

Kaixo entzule maite!

Aste honetako saioan herriko taldeen errepasoa egingo dugu. Denboraldia aurrera doa eta herriko taldeek hilabete honetan izan dituzten emaitzak errepasatuko ditugu.

Honetaz gain playerotako 5. jardunaldi baten atarian gaudenez guk beti bezala igandeko partidak aztertu eta gure pronostikoa egingo dugu. Anima zaitez zu ere playeroetako kiniela egitera gure aurpegiliburuan.

Hau dena beti bezala asteazkenean 20.00tatik aurrera Arraio Irratian izango duzu entzungai, FMko 99.3an!!

Ostegun honetan hasiko gara: ttirriki-ttarraka (hankak lurrean)

Datorren ostegunean, bai azaroak 22an, hasiera emango diogu irratsaio berri bati, hain zuzen, lurraren inguruan osatutako irratsaioari. Izenari dagokionean, batzutan izaten da ba xuxen hastea.., kontua da hankak lurrien badela beste irratsaio bat Axkoitiko kontrako eztarrixen emititzen dena, geureari ttirriki ttarraka(hankak lurrrean) deitutiko diogu ,  bejoakiela agur bero bat xakelei bide batez!

Irratsaio honetan lurraren inguruko gora beherak, alternatibak, ohiturak,sendagaiak, errezetak,  gatazkak, hitzak,  hainbat kontu lantzen edo mahai gaineratzen saiatuko gara arraioko uhin libreetatik. Aste honetan esaterako, Sendabelarren atala izango dugu Aizarnako Sara Letamendiarekin, ondoren elkarrizketaren tartean, Blaseneako kideak izango dira euren ekimenaren berri ematen eta hazi eta landare ekologikoen gainean. Honetaz gain, musika eta beste hainbat kontu ere izango ditugu.

Badakizue beraz, ostegunero Atalka saioaren aurretik, 19: 30 20:30  zuzenean arraio irratian: ttirriki-ttarraka(hankak lurrean).