Arraio Irratiaren 11. urteurreneko ekitaldiak ostiralean hasiko dira. Maitzaren 12an, gaueko 22:30etatik aurrera Sofa eta Rukula taldeen kontzertua edukiko dugu, Putzuzulon. Sofa Zarauztarrek, berriki grabatu duten diska berria aurkeztuko digute. Rukula Usurbildarrak ere, diska kaleratu zuten 2016an etabertako kantua entzuteko aukera izango dugu.
Sofa
Zarautz/Zumaia aldetik datorren hirukote instrumentala da Sofa: Math rock erritmo dinamikoak, doinu melodikoak eta indarrez betetako koktela energia positiboz konbinatzen dituen taldea. Bi urtez lanean egon ostean, 2014. urtean agertu ziren taulara eta urte haren amaieran grabatu ostean kaleratu zuten bost kantu biltzen zituen ‘I’ maketa autoekoiztua; Euskal Herrian, penintsulan eta Frantzian hainbat kontzertu eskeintzeko eta talde bezala sendotzeko aukera eman ziena. Oraingoan, prestatu eta mimoz grabatzeko beharrezko izan duten hilabeteetako geldiunearen ostean, beren lehen lan luzearekin datoz bueltan. Karlos Osinaga “Txap” bidelagun, Bonberenean grabatu dute diska hau, eta ezkutuan egindako lana erakusteko irrikaz dira.
Rukula
Rukula taldea Usurbildik eta Lasartetik datozen gazteek osatzen dute. Can´t Explain taldearen errautsetatik sorturiko formazioa, musika instrumentala jorratzen dute. Funk, rock, stoner, metal…..estiloak maixuki nahasten dituzte. Koktelera hau, zuzenean daukaten portaerarekin gehitzen da. Beraien energia erreztasun handiz transmititzeko gaia bait daukate. 2016. urteko udan grabatu zuten beraien lehen diska Andoaingo Garate estudioetan, taldeko bajista den Martxel Arkarazoren zuzendaritzapean.
Be First to Comment