Podcast: Play in new window | Download
Aurreko hilabetean psikosolidarioak proiektua aurkeztera etorri zen bertako kide bat.
Psikologo sare solidario honen inguruko elkarrizketa interesgarria hemen entzungai.
Hilabetea: otsaila 2015
Iepa kaixo kaiolazaleok, aste honetan Javier Ganuza handia  izango dugu gela arroxean. Ermuar gazte hau 13 urteren bueltan hasi zen elektronika entzuten. Urte batzu beranduago musika hau ipintzen zuten lekuetan ibiltzen hasi eta bere barne entziklopedia garatzen hasi zen, musika, sortzaile, zigilu etabarren inguruan asko ikasiz. 18 urterekin bere lehen technics platerak lortu zituen, eta hortxe murgildu zen bere zaletasunean.
Urte hauetan Euskal Herriko eta inguruetako areto ugaritan ibili da bere doinuak zabaltzen, besteak beste, Txitxarro, Guass, Pagoa, Zul edota Itzelan. Espektro elektroniko zabala hartu ohi dute bere sesioek, Deep House elegantetik hasi eta Detroit-eko techno dantzagarri eta biziraino iritsiz. Biharkoan saiorako sesio pertsonal eta berezia agindu digu!!! Ez galdu lagunok, 8tan hasi eta 9rak arte Arraio Irratian!!!
Podcast: Play in new window | Download
Iepa kaixo entzule maiteak! Elurteari aurre egiteko modu bikaina proposatzen dizuegu. Jarri etxean, tabernan, lokalean goxo goxo eta 20.00tatik aurrera Izerditan blai entzun, Arraio Irratiko 99.3an.
Gaurkoan herriko taldeen errepasoa egiteaz gain tarte berezia eskeiniko diogu palari. Innpala enpresak antolaturiko euskadiko binakako txapelketan Ayerbe zarauztarra dugu buru belarri Imanol bikote hartuta. Bikote honek igandean Karmelo Baldan jokatuko partidaren kronika egingo digu Marramendik eta txapelketa hau ikusteko ditugun sarrerak oparituko ditugu. Honekin lotuta Jon Juaristi remontistaren erretiroa ere aipatuko dugu.
Saioaren amaieran hondartzara ere joango gara playeroetako beste jardunaldi baten atarian gaudelako. Eguraldi txarrak zapuzten ez badu behintzat igandeko 12.15 aldera izango da 9. jardunaldia. Egin kiniela!!
Podcast: Play in new window | Download
Asteartea ZarataZarautz berri bat dugu eta oraingoan hirurak egotea espero dugu. Ezer berririk eduki gabe, musika apur bat ziztatzen egongo gara gaueko 21:30etatik aurrera Arraio Irratiko gela arroxean.
