Press "Enter" to skip to content

Arraio Irratia 99.3 FM

2025eko lehen eztula!

Ahuntzaren Gauerdiko Eztula Ahuntzaren Gauerdiko Eztula
2025-01-12

Podcast: Play in new window | Download

Iepakaixou ia denoi!

Hasi dugu beste urte bat, eta hemen duzue gure urteko lehen eztula.

Irratsaioaren lehen zatian Urola Kostako Etxebizitza Sindikatuko kidea etorri zaigu. Ze lan egiten duten azaldu digu, etxebizitzaren egoera zertan den ere kontatu digu. Beraiekin harremanetan jartzeko telefono zenbakia eta emaila ere utzi dizkigu: 633349418 eta esindikatua.urolakosta@gmail.com

Ondoren, Argiako Egonarria podcastaren azken atala emititu dugu. Urteetan gure kolaboratzailea izan den Aitziber Saroberi egindako elkarrizketa da, bioaniztasunaren galerak planetan duen eraginari buruz.

Entzun ezazue!

 

Patiyoko Atzuak 3.7.- Beatriz Egizabal faxismoaz eta umoreaz

atalka atalka
2024-12-30

Podcast: Play in new window | Download

Kaixo, entzule maiteok:

Zer moduz zabiltzate?

Aldaketa klimatikoarekin harira, agian, esan ezin dugun arren, larunbatekoa gure neguko lehen programa eta 2024ko azkena izan zen. Saio benetan luzea egin genuen urtea ondo amaitzeko. Jorratutako gaien artean, atzuok nerabeen artean ematen ari den ideia faxisten normalizazioa izan genuen hizpide.

Gure sorpresarako gonbidatuak boligrafoa hartu eta gaiaren inguruan berriketan jarraitu zuen elkarrizketa hasi orduko, umoreak berezko duen seriotasunarekin. Izan ere, gure gonbidatua Bea Egizabal izan zen Euskal Herriko pertsona askori barre mordoa eginarazi digun pailazo, aktore eta kimikaria! Aupa Beatriz! Plazerra izan zen zu gehixeago ezagutzeko aukera izan eta zurekin beste behin ere barre egitea. Bihotzez eskertzen dizugu.

Besterik ez entzule maiteok, soilik gogoratu nahi dizuegu gure urteko azkenengo saioa abenduaren 28an izan zela 😉 jajaj

Besarkada bana bidaltzen dizuegu!