Kategoria: Ithaka Ukatuz

Podcast: Play in new window | Download

Ithaka Ukatuz saioak gaurkoan ere ez dizue huts egingo eta saio honetan bidaia ezin bereziago batekin gatoz!

Gaurkoan Mikel Abadia zientzialaria izango dugu gela arroxeko uhinetan, duela ez asko Japonia aldean izandako egonaldiari buruz solasean. Mikel laneko kontuekin murgilduta abiatu zitzaigun Asiara, baina ziur bere abenturazaletasunak lan momentuak gainditu zituela eta esperientzia mordo bat eskaintzen dizkigula.

Zuen zain egongo gara beti bezala 21:30tatik aurrera Arraio Irratian!

Podcast: Play in new window | Download

Iepele!!!

Jai konstituzionalak alde batera utzi eta gaurkoan ere Jack Cousteau eta Willy Fog zuekin izango gaituzue gela arroxetik zuzen zuzenean. Ander Zufiria “Txufo” eta Elixabete Berazaren hitz jarioaz gozatzeko parada izango dugu oraingoan. Bikoteak bidaiarien artean hainbesteko zalantza, isu eta zirrara sortzen dituen India harrigarrian izandako esperientziak azalduko dizkigute.

Kultura, gastronomia, ohitura, usain, soinu eta bizimodu ezberdinez gozatzeko aukera galdu behar al duzu? Hau guztia 21:30tatik aurrera FMko 99.3an edo arraio.eus-en!!

Podcast: Play in new window | Download

Oraingoan indarrez beteriko abentura batekin gatoz! Aste honetako gonbidatua ez da lehendabiziko aldiz motxila bizkarrean hartuta dabilela munduan barrena. Gaurkoan Maddi Lakunzak 2017an Costa Ricatik barrena egindako ibilbidea azalduko digu, nola ez denbora horretan izandako bizipen ezberdinek pisu handi bat izango dutelarik.

Prest zaudete oihan barruan murgiltzeko? Edo itsasoa gustukoago duzue? Abentura honetan denetik probatzeko aukera izango duzue. Sintonizatu Arraio Irratia eta begitazioa erabiliz une batean gure azaro hotzetik Ertamerikako berotara jauzi egingo dugu!!

Asteazkenero lez 21:30tatik aurrera zuekin izango gaituzue FMko 99.3an!

Podcast: Play in new window | Download

Apa Kaixo!!

Beste asteazken bat motxila hartu eta gurekin bidaiatzera animatzen al zarete? Gaurko saioan Martxel Makazaga izango dugu gonbidatu berezi gisa Ithaka Ukatuz saioan. Hego Amerikan hasi eta Ertamerikan amaitu zuen bidaia zinez interesgarriagoaren nondik norakoak azalduko dizkigu.

8 hilabetetan zehar 6 herrialde ezberdin ezagutzeko aukera izan zituen abenturazale honek eta irrikaz gaude bertan izandako bizipen ezberdinak gurekin elkarbanatzeko momentua iristeko.

Piztu irratia eta zabaldu adimena 21:30tatik aurrera, ziur ez zarela damutuko!

Podcast: Play in new window | Download

Aste honetan baten faltan bi!!

Hain zuzen ere bi bidaiari izango ditugu gela arroxean, elkarrekin elkarbanatu zuten esperientzia ederra gure uhinetan zuekin partekatzeko. Patricia Markiegi eta Maria Ruiz de Azua Annapurna inguruan egindako ibilbideaz arituko zaizkigu, haiek deskribitzen dituen umorea eta zoro punttua alde batera utzi gabe. Abenturan zehar izandako bitxikeria ezberdinak kontatzeaz gain, herrialdearen egoera eta nepaldarrek kanpokoei egindako harreraz ere jardungo gara.

Hau guztia 21:30tatik aurrera Fmko 99.3an edo arraio.eus-en!!