Zarauzko irrati askea
Podcast: Play in new window | Download
Ernaik eta Askapenak antolatuta, jardunaldi internazionalistak burutzen ari dira Zarauzko Putzuzulo Gaztetxean. Goizez, Dorleta Agiriano eta Anna Gabriel Sabateren hitzaldiak eduki ditugu.
Dorletak, iazko udan Herrialde Katalanetan brigadista bezala izandako esperientzia azaldu du. CUP-eko kideak berriz, Herri boterea eraikiz, behetik eta ezkerretik izenburupean eman du hitzaldia.
Hitzaldiak podcastean dituzue nahi izan ezkero.
Podcast: Play in new window | Download
Atzo Zarautzen burutu zen Euskal Herriko topaketa Feministen aurkezpena entzungai duzue. Abenduaren 13an Ondarrun burutuko diren topaketen nondik norakoak aurkeztu ziren bertan. Entzun nahi baduzue, podcastean duzue
Podcast: Play in new window | Download
Atzo Putzuzulo Gaztetxearen 9. urtemugarren barruan egin zen Orpoz orpo liburu aurkezpena eta sexualitateen inguruko solasaldia entzungai duzue.
Hitzaldiaren lehen zatian, Ernesto Prat eduki genuen 3 zatitan egin duen liburua aurkeztuz. Eta aurkezpenaren ostean, solasaldi moduko bat eduki genuen Aneren gidaritzapean, sexualitate ezberdinen inguruan.
Entzun nahi baduzue, podcastean duzue.
Podcast: Play in new window | Download
Martxoaren 29an, larunbatean, Euskal Herriko Irrati libree eta komunitarioen sarea osatzen dugunok, jardunaldi berri batzuk edukiko ditugu, Arrosa Sarearen 3. topaketak Gernikako Astran alegia.
Podcastean aurreko larunbatean eman genuen prentsaurrekoa duzue entzungai:
Datorren urtarrilaren 16an, ostegunean, eta Arraio Irratiak antolatuta, 27 urte ez dira ezer, Zintzilik Irratiak ekoizturiko dokumentala ikusgai izango duzue Zarauzko Putzuzulo Gaztetxean.
Bertan, Oreretako Zintzilik irratiaren 27 urteko ibilibideari errepasoa egiten zaio 80 minutu luzez.
Esan bezala, ostegunean 19:30etatik aurrera emango dugu dokumentala Putzuzulon bertan eta luntxa ere egongo da noski!!!
Jarraian dokumentalaren fitxa teknikoa duzue:
FITXA TEKNIKOA
27 Urte ez dira ezer!
Zintzilik Irratia, herri baten historia
(Zintzilik Irratia, 80´, 2013)
Euskara / Gaztelera (azpititulatua)
Zintzilik Irratia, Oreretako irrati librea, 80. hamarkadan sortu zenEuskal Herriko irrati libreen filosofia eta testuinguruan. Oreretako mugimendu sozialetako pertsonek sortua izan zen hedabide ofizialetan ahotsa ez zutenei ahotsa emateko (intsumisioa, feminismoa, ekologia, homosexualitatea, euskara…) eta herritik eta herriarentzat
informatzeko. Hori dela eta, ez da irratiaren historia bakarrik kontatzen, Oreretako borroka sozial eta politikoaren zati txiki bat ere jasotzen da. 70. hamarkadako herri asanbladetatik gaur eguneraino, Zintzilik Irratiaren mikrofonoen ikuspegitik kontatua.
Trailerra:
