Press "Enter" to skip to content

Egilea: izerditan blai

Surfa ta borroka

Iepa kaxo!!

Hemen gera, festak amaituta oporrak hartu aurreko azken saioarekin. Gaurkorako saio bikaina prestatu dugu, alde batetik larunbatean izan zen baltsa karrera izango dugu mintzagai. Iñoiz baino parte hartzaile gehiago izan ziren bertan ta guk elkarrizketa batzuk egin genituen.

Bestetik Axi Munian ta Kalpar etorriko zaizkigu, zarauzko surf eremuak banatzen dituzten banderaz gain herri honetan surfak ekarri duen turistifikazioa, masifikazioa ta beste hainbat kontuz jardungo gara.

Amaitze aldera, Txaparrotan 8, izango dugu kontuan, ostiraletik igandera bitartean desertu txikian jokatuko den hondartzako eskubaloi txapelketa.

Azkenik Izerditan bali irratsaioak Juli-Juli tabernan antolatutako Porra mutturran parte hartzera animatzen zaituztegu, honela izango da gure porra:Izen ematea 10 euro da, barran ordaindu behar da. Izena emateko azken eguna uztailak 1, ostirala izango da

Parte hartzaile bakoitzak egunero txirrindulari multzo ezberdin bat izango du, zozketa bidez banatuko dira lehengo egunetik.

Egunero 2 sari emango dira (kafea eta txupitoa/ zuritoa eta pintxoa) etapako garaliea izan den txirrindularia duen parte hartzaileari eta egun horren liderra den txirrindularia tokatu zaion parte hartzaileari.

Tourraren amaieran beste sari bat emango da, sailkapen metatuaren saria, hau puntu gehien eskuratzen dituen parte hartzailearentzat izango da.

Puntuak honela banatuko dira:
Etapako garaileak 10 pnt. Lider dagoenak 8 pnt.
Bigarrenak 7 pnt. Mendiko liderrak 6 pnt.
Hirugarrenak 5 pnt. Erregulartasunaren liderrak 4 pnt.
Laugarrenak 3 pnt.
Bostgarrenak 1 pnt.
Taldekako erlojupekoan ez da etapako punturik banatuko taldeak irabazten duelako eta ez txirrindulari batek.

Piotr Ugrumov txirrindulari historikoa gaur Izerditan Blai saioan

Iepa kaxo!
Hemen gara beste asteazken bat gehiagoz zuei saio bikain bat eskaintzeko asmoz. Gaurkoan emaitza gutxi ditugunez aspaldian jorratu ez dugun atal bati ekingo diogu, denok maite dugun atal hori, “Historikoak” hain zuzen ere.
Gaurkoan Piotr Ugrumov txirrindulari Letoniarra izango dugu mintzagai gure saioan, 93ko Giroan eta 94ko Tourrean kinka larrian jarri zuen Miguel Indurain handia.
Badakizue denboran atzera egin eta txirrindulari mitikoak gogoratu nahi badituzue gaur duzue aukera paregabea Arraio Irratian 20.00tatik aurrera!

Triatloia izango da gaurko gai nagusia

Iepa kaxo!
Hemen gara berriz ere, aurreko astean kale egin genuen interneterako loturarik gabe aurkitzen ginelako Arraio Irratiko egoitza nagusian, barkamenak eskatzen dizkizuegu bihotz bihotzez. Gaurkorako saio eder bat prestatu dugu, lehendabizi maiatzak 20an jokatu zen futbito txapelketa izango dugu izpide, giro bikaina ta norgehiagoka are hobea ikusi genuen.

Ondoren Xabier Garate triatloilaria elkarrizketatuko dugu. Codeam taldeko partaide da bera ta azken urteotan triatloi munduan buru belarri dabil. Gainera zarauzko triatloia ekainaren 11ean izango denez honen inguruan ere mintzatuko gara.

Beti bezala, 20.00tatik aurrera FMko 99.3an topatuko gaituzue nahi baduzue, gero arte!!

Final handia ostiralean 18.30tan poligonon

Iepa kaxo!
Arraio Irratiak 5 urte betetzen dituen egunean Izerditan Blaiko kideok antolatutako futbito txapelketaren finala jokatuko da 18.30tan Poligonon. Hau maiatzak 20an izango da, ostirala, beraz badakizue ez galdu aukera giro paregabeaz gozatzeko.

Honez gain gaurko saioan herriko taldeak izango ditugu hizketa gai, saskibaloian emakumezkoek ezin izan zuten igoera lortu finalean galdu zutelako, gizonezkoak igoera fasean lehengo geratu dira aste honetako partidua irabazi ostean.

Surfean ASPko froga berri bat dago jokoan Brazilen, Billabong Rio Pro hain zuzen ere, honen berri ere mango dizuegu tartetxo batean.

Azkenik gure lasterketa kuttunari errepaso bat emango diogu, Italiako Giroari hain zuzen. Lehengo astea pasata gauzak argitzen ari dira. Oraindik ibilbide asko geratzen da, mendate beldurgarriekin, gure pronostikoa egiten saiatuko gara.

Gaur 20.00tatik aurrera aukera bikaina duzue Arraio Irratia sintonizatu eta irratsaio eder batez gozatzeko, on egin!

Saskibaloi jokalariak gaur Izerdintan Blai-en

Iepa kaxo!!
Aste honetarako prestatu dugun saio eguraldia bezala, primerako izango da. Gaurkoan igoera lortu berri duten Leihoak Zarautz taldeko hiru kide izango ditugu, beren kapitain Izotz Barrio, Eneko Landa eta Iker Lizarriturri beteranoa. Hauek lortu dutena ez da nolanahikoa, iaz liga autonomikora igo eta aurten ere mailaz igo.


Honez gain gure saioan betiko lez herriko taldeen emaitzak emango ditugu, futbolean gizonezkoek 3. mailan beste urtebetez egoteko balioko dien garaipen garrantzitsua esaterako.

Azkenik azken txanpan den futbito txapelketari helduko diogu. Astelehena jokatu zen final laurdenetarako azken txartelak lortzeko repeskako triangularra. Honela geratu ziren:
1, 2, 3, 4 Anfeti de Bilbau 5 Ulacia 1
Ulacia 2 Smooth Kriminal kri kri 1
1, 2, 3, 4 Anbeti de bilbau 3 Smooth Kriminal kri kri 4

Beraz, final laurdenetan arituko diren taldeak 1, 2, 3, 4 Anfeti de Bilbau eta Smooth Criminal Kri kri izango dira. Gogoratu nahi dizuegu final laurdenak ostiral honetan, maitzak 13 jolastuko direla Institutuan eta Poligonon 18.00tan eta 19.00tan. Final erdiak astelehenean, maitzak 16 Poligonon jokatuko dira 18.00tan eta 19.00tan. Azkenik final handia maiatzak 20an, ostirala izango da 18.30 tan Poligonon.

Hauek izango dira final laurdenetako partidak:

Maitzak 13 ostirala:
Institutoan

18.00 Paraolinpiakos vs Smooth Criminal Kri kri
19.00 Ametsa vs 1, 2, 3, 4 Anfeti de Bilbau
Poligonon
18.00 ARG Revolution vs Talai-Mendi
19.00 ARG Old Star vs Hor Konpon

Koadroa berriz hau da:

Paraolinpiakos vs Smooth Criminal Kri kri
vs
ARG Old Star vs Hor konpon

Ametsa vs 1, 2, 3, 4 Anfeti de bilbau
vs
ARG Revolution vs Talai Mendi

Espero dugu txapelketa orain arte bezala ederki joango dela, den den zalantza edo galderarik izan ezkero lasai asko galdetu. Ondo izan eta zorte on denei!!