Press "Enter" to skip to content

Egilea: arraio

Urriaren 27tik azaroaren 5era Putzuzuloren urteurrena!

arraio arraio
2006-10-23

Jada urte bete egin dugu Zarauzko Gaztetxean. Urte bete gazteon ilusio eta indarrarekin lorturiko etxean. Arraio Irratiak zorionak eman nahi dizkie Putzuzulo amets fabrikan turno ezberdinetan lanean aritu diren guztiei. ZORIONAK!!

Urteurren hau ospatzeko ekintza mordoa antolatu dira, argipenak HEMEN aurki ditzakezue. Gure aldetik esan, datorren azaroaren 5ean, urteurrenaren ekitaldi sorta amaitzeko, IRRATI-MARATOIA antolatzen gabiltzala. Bertan Arraio Irratiko irratsaio denek 30 minutu izango dituzte programa berezi bat egiteko. Arratsaldeko 4retatik gaueko 11ak arte etenik gabe arituko gara herritarroi irrati bat nola egiten den erakusten. Esan, 7etatik 8etara irrati libreei buruzko DokuMental interesgarri bat eskeiniko dugula Gaztetxean bertan.

Arraio

Besterik gabe, ondo segi!

Arraio Irratiaren lehen KD bilduma kalean!!

arraio arraio
2006-08-10

Kaixo Arraiokideok!
Hainbestetan iragarri bezala, azkenean irten da labetik gure lehen KD bilduma! Bertan Arraio Irratiko une xelebreez gozatzeko aukera izango duzu. Bainan ez hori bakarrik, kuña ezberdinak, grabaturiko kontzertuak eta sorpresa batzuk ere baditu bere barruan bilduma honek. 3 euroren truke SKAPAko festetan hasiko gara saltzen. Adi egon kontzertutetan Arraio Irratiko unitate ibiltaria bertatik ibiliko baita 😉

Bestalde, txapa berriak ere egin ditugu eta baita udarako programazioaren karteltxoak. Eta aurrerapen moduan esan, irailean hasiko garen Arraiokide kanpainan zuen guztion parte hartzea bilatzera joango garela.

Sintonizatu zure irratia, Arraio Irratia, 99.3 FM!!

Udarako beroei aurre egiteko irratsaioak!

arraio arraio
2006-07-17

Podcast: Play in new window | Download

Udara gori-gorian dugun egun hauetan, hemen gatoz grabaturiko irratsaio berriekin zuen belarriak frexkatzeko asmotan.

Programazioari dagokionean, udara dela eta aldaketatxo batzuk egin ditugu: ostegunetako Arraio Eneak oporrak hartu ditu eta bere ordez ostiral eguerdietan, bi astean behin, Batzui Zopa izango dugu. Gogoratu baita, misterioaren Ate Iluna ere irekita dagoela astearte gauetan. Gainerako irratsaioek tinko jarraituko dute eguraldi sargori zein euritsuei aurre eginez.

Eta amaitzeko esan, sorpresaz beteriko CD bilduma bat prestatzen hasi garela… Adi eta sintonizatu 99.3a!

Irratsaio berriak entzungai!

arraio arraio
2006-06-13

Podcast: Play in new window | Download

Igande arratseko Oilotegitik irratsaioa entzun dezakezu! Bertan, besteak beste, Ainhoa Murua eta Jon Unanue zarauztar triatletei eta Iratxe Esnaola software asteburu libreko arduradunetako bati elkarrizketak, errosario feminista eta gauza interesgarri ugari aurkituko dituzu.

Ahuntzaren gaberdiko eztulean berriz, AHTaren aurkako manifestaziora joan zirenen iritziak entzun ahalko dira, Ypermanen bixita eta sorpresa ugarirekin batera.

Eta amaitzeko astelehen gauetako Trio Kalabereran jarduna, triatloia aitzakia hartuta bertako arduradunekin solasaldia, notizia kuriosoak eta abar luze bat.