Press "Enter" to skip to content

Hilabetea: abendua 2017

Zarauztik ere, Ibon libre!

Ibon Iparragirre preso politikoaren hil ala biziko egoera dela-eta, ekimen bat egin dute hainbat lagunek larunbat goizean Zarautzen. Iparragirre Arrasateko erietxe batean dago orain, baina preso oraindik. Libre nahi dugu, bizirik eta libre! Gaitz larriak dituzten presoak askatu!

 

 

Aurtengo kopla txapelketa entzungai duzue

Aurtengo kopla txapelketa entzungai duzue beste urtebetez. XI. edizioan Andoni Egaña, German Urteaga, Xabier Arriaga “Txiplas”, Julio Soto, Oihane Perea, Danel Olano, Maddalen Arzallus, Miren Artetxe, Nerea Ibarzabal eta Aitor Mendiluze eduki ditugu, Mendiluze bera garaile irten delarik.

Gogoratu laster bideoan ere ikusgai edukiko duzuela.

5. Preso eta Iheslarien Eskubideen Aldeko eskubaloi jardunaldia

Azken urteotako dinamikari jarraipena emanez, 5. Preso eta Iheslarien Eskubideen Aldeko eskubaloi jardunaldia ate joka dator. Orain dela hiru urte bezala, hau Zarautzen antolatzeko asmotan ari da biltzen lan-talde anitz bat. Urtarrilaren 7an, aldarrikapena, kirola eta festa uztartzea du helburu ekimenak. Hala ere, arrazoi teknikoen atzean ezkutatua, Udal-gobernua antolakuntza oztopatzen ari da, Aritzbatalde kiroldegiko pistaren erabilera momentuz ukatuz. Ekimenaren bultzatzaileek argi dute borondate onik balitz Zarauzko agintarien partetik, konponbide batera iristeko ez legokeela arazorik. Honenbestez, eskubaloi jardunaldi hauetan parte hartzeko deialdia zabaldu nahi dute. Goizean jokatuko diren eskubaloi partiden ondoren, festak Putzuzulo Gaztetxean izango du jarraipena, bazkari eder batekin. Taldeen izen emateak hilaren 21ean itxi arren, bazkaritarako txartelak urte amaiera arte egongo dira eskuragarri ohiko lekuetan.

BIHAR KITZIKA B.D.S.M.2

Irratsaio honetan, Bedesemea  gehio argituko dugu: nundikan dator, materialak, eszenak… eta fantasiaren garrantzia aipatuko dugu baita. Mina eta plazerraren harremana ere aztertuko dugu.

Artefakteetan, gai hontako film bat gomendatuko dizuegu.

Eta bukatzeko, gure entzunle erotiko batek emailera bidali digun Frikzio latza. Ez galdu!! Bihar,21.00 etan!