Maiatzaren 6an Arraioenea baratzez dekoratu genuen. Eta baratzeko lurra eskutan hartu, buruaren gainetik jaso eta eskua askatu genuen lurrezko bataioa sinbolizatuz, Bitoriano Gandiagak egin bezala. Gure baratzaz gainera, arbasoen baratzeko ateak ere zabaldu genituen Xabier Lizardiri eskerrak. Badakizue, astero bezala, inor indiferente utziko ez duen irratsaioa egin genuen Lizarriturri DJ Doktoreak eta 27zapatak
ENTZUTEKO KLIK!
Hilabetea: maiatza 2009
Jakingo duzuen bezala, aste honetan Bob Marleyren omenezko astea burutzen ari dira Zarauzko Gaztetxean. Maiatzen 6an hitzaldi interesgarri bat izan zen Gaztetxean bertan eta gaur kontzertua izango dugu
Gaur gauean, Revolutionary Brothers eta King Konsulek zuzenean Putzuzulo Gaztetxean emango duten kontzertua entzuteko aukera izango duzue arraio irratian.
Biharko Beltza eta TT3-ren sesioa ere emititzen saiatuko garela ere informatu nahi dizuegu. Baina lehenago, gaur, ostirala, gaueko 22:30etan sintonizatu ezazue 99.3a
Harlore taldeko kide batzuk izango ditugu Maiatzaren 5eko ZarataZarautz irratsaioan. Zarauzko boskote gazteak, maketa bat kaleratu berri du orain dela gutxi eta beraiekin disko honetaz eta beste hainbat gauzetaz hitzegiteko aukera izango dugu.
Beti bezala, asteartean, gaueko 21:30etatik aurrera.
Kaixo irratikide!!
Pasa den igandean irratsaio benetan interesgarria burutu genuen Arraio Irratiko Ahuntzaren Gauerdiko Eztulean. Sindikatu ezberdinak gonbidatu genituen gurera, besteak beste ELA, LAB, CNT edota CCOO. Etziren denak azaldu zitara, batzuk ezin zutelako, besteak ez dakigu zergatik.
Azkenean ELA eta CNT sindkatuko ordezkariekin maiatzaren lehenak utzitako arrastoari jarraiki, 21eko greba orokorra eta ezarri diguten krisialdi ekonomikoa deritzona aztertzen aritu ginen. Langile mugimenduaren eboluzioa ere hizpide hartu genuen gaur egungo kapitalismo neoliberalak gure jendartean duen eragina argitzeko asmoz.
Besterik gabe, deskargatu ezazu irratsaioa oso-osorik eta, gogoratu, 21ean GREBA OROKORRA!!!
……:::::::ENTZUN IRRATSAIOA:::::::…….