Zarauzko irrati askea
Apirilaren 12ko ZarataZarautz irratsaioan Hilkar taldeko lagunak edukiko ditugu. Leitza, Zarautz eta Urretxu aldeko jendearekin osaturiko Trashcore talde honek bere lehen lana kaleratu berri du eta diska honen inguruan mintzatuko gara gaueko 21:30etatik aurrera, Hala Bedi irratiko A Desalambrar irratsaioaren ostean. Ez ahaztu beraz, FMko 99.3a sintonizatzea.
Kaixo launak!!
Ezautzezu argazkiko launa ala? Zautz aldian oso ezagun deun Mor-ekin atzo in ginun grabaziua eta gaur emitituko deu. Bere bidaian berri emango digu, nola eta zeba atea zan Senegaldik eta ze lekutan ibili dan Europan. Oain zertan eta nola dabilen Euskal Herrian eta zehazki Zautz aldian. Afrikako  bizitza hemenguakin konparatuz eta beste hainbat kontu, beti re  bere umore alaiakin eta euskera jatorrian. Mor-en umore zipriztinaz bustitzeko gogoz?
Sintonizau 99,3FM arraio irratia, eta bidaiau gurekin gaueko beatzitatik aurrea!!
Aurreko astean, Arabako Bertsolari txapelketako finalarekin egin genuen bezala, larunbat honetan ere Nafarroako Bertsolari txapelketako finala emitituko dugu Arraio Irratian, Info 7 irratiaren konexioa lapurtuta.
Aurtengo finalean, Jon Barberena, Estitxu Arozena, Julio Soto, Xabier Silveira, Julen Zelaieta, Eneko Lazkoz, Oskar Estanga eta Xabier Terreros edukiko ditugu elkarren aurka.
Finala arratsaldeko 17:00etan hasiko da beraz, bertsozaleak zareten guztiok ez ahaztu FMko 99.3a sintonizatzea.
Kaixo lagunok, bihar arratsaldeko 6tan hasita Getariako Sokoa tabernan izango gara Kaiolatikeko dj-ak. Kasu honetan, Elektropeña eta Lizarriturri dj doktorea. Beraz gaurkoan aurrerapen txiki bat entzun ahalko duzue, beti bezala, arratseko 8tan, Arraio Irratian! Eutxourrei eta Up the kaiols!!!
Iritsi da osteguna! Eta berarekin batera eguzkia, udara giroa, jendez betetako kaleak. Egun ear bati bukaera ezin hobia emateko gaurko Highway 9 ez galtzia gomendatzen dizuegu! Gaurkoan, benetako rock omenajia emateko helburuakin, Bruce Springsteen-en abesti handiak aituko ditugu: Waitin’ ona sunny day, No Surrender, Radio Nowhere… Primeran pasako deulako, ez galdu gaurko Highway 9, kanta handiz eginiko saio txikia. Osteguna, 20etan Arraio Irratian!
