Press "Enter" to skip to content

Arraio Irratia 99.3 FM

KOSTA KASTA

Kosta kasta irratsaioan Salbatore Mitxelena Ikastolako Dbh 4. mailako ikasleak jardungo gara kontu kontari. Bertan, gai ezberdinen inguruan arituko gara, esaterako: 2019ko urrian ospatuko den kilometroak, musika, elkarrizketak, kirola, zozketak, herriko zein munduko berriak, etab. Hilebeteko azken asteazkenetan, iluntzeko 19:00etan izango da, beraz, badakizue, entzun gaitzazue!

Juanma dator ZarataZarautz irratsaiora

Aurreko astean huts egin ostean, Juanma datorkigu ZarataZarautz irratsaiora. Ordu eta erdiz gustoko musika jartzen ibiliko zaigu gonbidatua. B Jaunaren baja ere edukiko dugu gaur, baina lasai, datorren astean gurekin egongo da eta.

Irratsaioa podcastean duzue. Playlista berriz HEMEN.

Astelehenari aurre egiteko prest!

Gaur GaldeDebalde irratsaio berri bat izango deu 21:30tatik aurrea! Gainea gaurkuan Oihana ta Garazi, Zarauzko Concha Velasco eta Azken Portuko Melody! Gure galdera aldrebesak erantzuteko kapazak izango oteia? Edo kriston astelehena eukikoue?? Entzun zuzen zuzenian 99.3FM-n!

Motxian Bertso-eskolako kideen bixita

Aupa aupa!

Aste hontako sayuan kabituko ote gea Gela Arroxian? Motxian bertso-eskolako kidiak etorriko zaizkigu Bertsolaritz Txapelketen inguruan egindako ikastaro baten berri eman eta eztabaidatzera.

Hortaz gain, asteroko menua baina labetik atera berri: Big Bang, Mikel Gurmendi “Muso”-ren puntu eraztuna ta giro ezin hobia astia indartsu hasteko…

IMG-20180903-WA0006.jpg bistaratzen

Ez galdu!

Feministon Herria

Kaixo Ahuntzok!

Gaurkoan ere elkarrizketa interesgarria izango dugu Ahuntzaren Gauerdiko Eztulan. Mobilizazio ugariko asteburua izan da Euskal Herrian, eta errepaso bat egin ondoren, Bilbon egindako Feministon Herrian jarri dugu arreta. Emakumeen Mundu Martxak antolatuta, topaketak izan dituzte hiru egunez, eta manifestazio bat ere egin zuten, beste hainbat ekintzaren artean. Horren guztiaren inguruan aritzeko aukera izan dugu mugimendu feministako kide batekin.

Eta noski, hori dena betiko efemeride, kantu eta umore eskasarekin. Igandero bezala, 21:00etatik aurrera Arraio Irratian! FM 99.3!