Press "Enter" to skip to content

Arraio Irratia 99.3 FM

Apirilari errepasoa eta beertatik beertara jardunaldiak gaurkoan

Gaurko ttirriki ttarraka(hankak lurrean) irratsaioan lehenik eta behin apirilari errepasoa emango diogu. Ostean, Beertatik beertara garagardoaren inguruko topaketak izango ditugu mintzagai antolatzaileekin. Hain zuzen, maiatzaren 2,3,4 artean izango dira Putzuzulo gaztetxean garagardoaren inguruan sorturiko jardunaldiak. Euskal Herrian ekoitzitako 17 garagardo desberdin dastatzeko aukera izango dugu bertan, eta honetaz gain,  bertako jakiak dastatzeko aukera, futbolin txapelketa, kontzertuak…  Badakizue gaurkoan zuzenean berriz ere, arratsaldeko 19:30 20:30 artean 99.3 uhin libreetan. Topa!!!

 

Ganbara Berotzen bigarren saioa Putzuzulon ostiral honetan

Arraio Irratiaren 13. urteurreneko beroketa lanak aurrera doaz eta apirilaren 26an Ganbara Berotzen 2. saioa edukiko dugu Putzuzulon bertan.

Gaueko 22:00etatik aurrera 6 bertsolari edukiko ditugu lehian. Julen Zulaika, Beñat Jauregi “Fede”, AsierAzpiroz, Iñigo Izagirre, Ane Zuazubiskar,eta Aitor Salegi edukiko ditugu. Sarrera berriz, 3 eurokoa izango da. Eta lasai azaldu ezin duenak, Arraio Irratiak zuzenean emitituko du eta.

Arrotzak taldea zuzenean Putzuzulo Gaztetxean

Arraio Irratiak 13 urte betetzen dituen honetan hainbat ekintza burutzen gabiltza herrian. Tartean, ikusgai duzuen bideo hau, Arrotzak taldeak Putzuzulo Gaztetxean eman zuen kontzertuko irudi batzuk dira, ZarataZarautz irratsaioak antolatu zuen gau bikain batekoak. Gozatu!!!

KOSTA KASTAREN 7.IRRATSAIOA

Kaixo entzule maiteok!

Bagatoz berriro ere Kosta Kastako irratsaioko kideak gure apirileko saioarekin!

Oraingoan, hainbat gai izango ditugu gurean: lagun handi lagun txiki proiektuaren nondik norakoen azalpena Agurtzane Loiola eta Isa Maritxalarren eskutik, Frantziako ikasleen bisitaren kronika, DBH 4. mailako ikasbidaiaren aurkezpena, kirol munduko azken berriak, KMK’19ko atalean lan talde feministako Nerea Permach eta Olatz Azkueri eginiko elkarrizketa eta hilabetero bezala, bokata eta edaria irabazi nahi duenarentzako zozketa itzela!
Gogoratu, gaur, iluntzeko 19:00etan Kosta Kasta Arraio Irratian! 
Piztu 99.3 fm!
Instagram: @kostakasta
Zuzenean ezin baduzu entzun, irratsaioa webgunean entzugai izango duzu:

Oporraldien aurreko ZarataZarautz irratsaioa prest daukagu

Aste Santutako oporraldien aurreko saioa prest dugu ZarataZarauzko lagunok. Gonbidaturik ez dugu izango baina hirukotea prest izango gara zarata apur bat ipintzeko.

Aste honetako irratsaioa podcastean duzue. Playlista berriz HEMEN.