Zarauzko irrati askea
Podcast: Play in new window | Download
Zebra bidea saioan (halabedi, tas tas eta Antxeta irratien artean egiten duten saioa) irrati libre eta komunitarioen txokoa izaten da astero eta irrati bateko kideak elkarrizketatzen dituzte bertan. Aste honetan Arraio irratiari buruz egin dute elkarrizketa. Berau entzun nahi baduzue, podcastean duzue:
Kaixo lagunak,
Biha, Otsailaren 25ean, larunbata, goizeko 11etan Ebro etxean Zarauzko Herrira Bilgunearen aurkezpena egingo da.
Ikuspegi, iritzi eta ideia politiko ezberdinetako jendea bildu nahi duen eragile berri honek, bere burua aurkezteaz gain, bertaratuen kezkak argitu eta ideiak edo iradokizunak jaso nahi ditu.
Nola ez, bilguneak, gonbitea luzatu nahi die, modu batean edo bestean, preso eta iheslari politikoen inguruko dinamiketan parte hartu nahi duen orori.
Besterik gabe, bertan ikusiko garelakoan,ondo segi!
Podcast: Play in new window | Download
Otsailak 17 larunbatean, Zarauzko preso politikoen senideek prentsaurrekoa eman zuten anbulategi aurrean.
Hemen duzue audioa
Gaur, otsailaren 14ean, gure irratikidea den I Jaunaren urtebetetze eguna da. Lerro hauen bidez, Valdemoroko kartzelan dagoen lagunari gure besarkada beroena eta animo guztiak bidali nahi dizkiogu. Zorionak txo!!!
Eta bide batez, gogoratu ostiral honetan, otsailaren 17an, bere aurkako epaiketa egingo dela Madrilgo Audientzia Nazionalean. Horregatik, autobusa antolatu da Zarauztik, goizeko 03:00etan irtengo dena. Bertan izena emateko, Zarauzko Arrano tabernan edo Putzuzulo Gaztetxean egin dezakezue.
I JAUNA IRRATIRA!!!
Podcast: Play in new window | Download
Gaur goizean, asteartez, Etxerat elkarteak prentsaurreko bat burutu du Donostian Jose Mari Perez “Txuri” preso politiko zarauztarrak jasandako bihotzekoaren berri eman eta bere egoera larria salatzeko, lehenbailehen aska dezaten exijituz. Bide batez, larunbat honetan 18:00etan Udaletxe plazatik abiatuta egingo den manifestazioan parte hartzeko deia ere egin dute. Hemen duzue entzungai prentsaurrekoa bera, euskaraz eta gazteleraz.
