Press "Enter" to skip to content

Kategoria: Zaratazarautz

Presta zaitezte beste astearte zaratatsu batetarako!!

human_rights human_rights
2009-02-03

Otsailaren 3ko saioan, esku artean ditugun diskoez gain, beste hainbat kontutaz hitzegingo dugu ZarataZarautz irratsaioan.

mur.jpg

Hasteko, Zarauzko Dirtaa taldeak atera behar duen maketaren kantutxoren bat entzungo dugu primizia moduan. Zülo, Erantzun, Burkina Faso edota MKT taldeetan ibilitako jendeaz osaturik dagoen taldeak, laister aurkeztu behar du bere lehen lana Zarauzko Putzuzulo Gaztetxean.

Honez gain, ostiral honetan Putzuzulon bertan egongo den kontzertuari ere errepasoa egingo diogu. Eta amaitzeko, Laudion burutuko den Coprofest jaialdiaz ere hitzegingo dugu.

1233567037350_f.jpg

Guzti hau, ohikoa dugun humore puntuarekin izango da, gaur, gaueko 21:30etatik aurrera.

Melmak fest jaialdia ZarataZarautzen

human_rights human_rights
2009-01-20

Urtarrilaren 20ko saioan, Beasaingo Gaztetxean burutzen den 4. Melmak Fest jaialdiaz arituko gara.

Iada 4. urtea bete behar duen jaialdian, Freaknation, Erantzun, Interlude, Camara de Gas, Looking for an Answer edota Leadershit bezalako taldeak pasa dira.

melmakfest.jpg

Astearte honetako saioan, aurtengo edizioan partehartuko duten taldeez mintzatuko gara eta jaialdiaren nondik norakoez ere hitz engingo dugu. Gaur entzun ahalko diren taldeak, Warkoira, Trigger Travis, Fix Me, Black Panda edota Spandau Bullet izango dira.

Beraz badakizue, gaur, asteartea, 21:30etatik aurrera, sintonizatu arraio irratia.

Urtea ongi hasteko kontzertua izango da Putzuzulo Gaztetxean

human_rights human_rights
2009-01-02

2009. urtea ondo hasteko, Arraio irratiko ZarataZarautz irratsaioak kontzertua antolatu du Zarauzko Putzuzulo Gaztetxean. Urtarrilaren 9an, bi talde ikusteko aukera izango da bertan.

monstar.jpg

Lehenak, Alemaniatik datozen Monster taldea izango da. Costa´s Cake House edota The Black Hand taldeetan ibiltzen diren jendez osaturiko Crust taldea da Monster talde Berlindarra.

Beraiekin batera, Inor Ez hirukote Zarauztarrak ere joko du. Hegoameriketako KRH taldearekin ateratako lan berria aurkeztuko digute etxean bertan.

Beraz badakizue, urtea ongi hasteko hardcore kontzertu gogoangarri batekin gozatu nahi baduzue, datorren ostiralean Putzuzulon izango gara

DIN DAN DON jaialdia ZarataZarautzen eskutik

human_rights human_rights
2008-12-19

Abenduaren 25ean, DIN-DAN-DON jaialdia izango dugu Zarauzko Putzuzulo Gaztetxean Arraio irratiko Zaratazarautz irratsaioaren eskutik.

Bertan, 3 talderen kontzertua ikusteko aukera izango duzue. Lehenak, Amurrioko IRKHALA izango dira jotzen.

Ondoren, Torrelavelago THE MYSTERY MACHINE taldearen Scremo azkarraz gozatzeko aukera izango dugu.

Amaitzeko berriz, Utrechetik (Holanda) biran datozen HYSTERIA taldea izango ditugu. Holandarrek, emakume ahotsez lagunduriko Crust bortitza lantzen dute, galdu ezinezkoa!

1229517071777_f.jpg

Beraz badakizue, Abenduaren 25ean, osteguna, 21:30tan Zarauzko Gaztetxean izango gara.