Zarauzko irrati askea
Apirilaren 28ko saioan, MKT taldearekin egongo gara ZarataZarautz irratsaioan. Zarauztar hirukote honek, maketa bat argitaratu berri du eta bira bat egin du aste Santutan. Guzti honetaz hitzegiten egongo gara taldeko bi kiderekin.
Beraz badakizue, gaur, gaueko 21:30etatik aurrera sintonizatu 99.3a
ZarataZarauzko kideak itzuli gara Diskoiraa taldeak egin duen biratik eta iada prest gaude beste irratsaio batetarako.
Gaurko irratsaioan, biran eman ditugun bi aste hauetan ikusi eta entzundako taldeez arituko gara, beti bezala gaueko 21:30etatik aurrera.
Honez gain, ostegun honetarako kontzertua antolatu dugu Zarauzko Putzuzulo Gaztetxean. Bertan, Puerto Ricoko bi talderen bisita izango dugu, La Virgen del Pozo eta Tropiezo taldeak hain zuzen ere. Beraiekin batera, herrikoak diren Metralleta taldea ere harituko da.
Guzti hau, ostegunean, arratsaldeko 20:00etatik aurrera izango da eta 23:00etarako amaiturik egon beharko du, beraz, ez zaitezte berandu iritsi!!
Datorren bi asteetan ez da ZarataZarautz irratsaiorik egongo, irrati saioa egiten dugun kideak Diskoiraa taldearekin Europar biran joango gara eta.
Beraz, Apirilaren 21ean itzuliko gara irratsaio berri batekin. Honez gain gure webgunearen bidez Diskoiraak egiten ari den bira jarraitu ahal izango duzue.
Hemendik bi asterarte beraz.
Azken bi saiakeretan izandako arazoak alde batera utziz, gaur, Martxoaren 31ean Dirtaa taldeko kideak izango ditugu ZarataZarautz irratsaioan. Maketa bat kaleratu berri dute Zarauztarrek eta diska berri honetaz hitzegiten egongo gara gaurkoan. Guzti hau, gaueko 21:30etatik aurrera izango da.
Honez gain, gogoratu nahi dizuegu ZarataZarauzkoek web orri berria dugula ikusgai.
Martxoaren 24ko saioan, Mattingunen bixita izango dugu ZarataZarautz irratsaioan. Bertan, 80ko hamarkadako Italiako Hardcoreari errepaso txiki bat egingo dio. Hala nola, Wretched, Raw Power edota Indigesti bezalako taldeak entzuteko parada izango dugu gaurkoan.
Beraz badakizue, gaur, asteartea eta gaueko 21:30etatik aurrera FM-ko 99.3an aurkituko gara.
