Asteazken honetan 21:15etatik 22:15etara Arraioenea ordenagailu erraldoi bilakatuko dugu Mikel Olasagasti informatikaria izango dugulako gurekin. Berari galdetuko diogu zer den ordenadore bat, nola erabili beharko genukeen, zein aurrerakuntza aurreikusten diren (sarean, teknologian, domeinuetan…), zein aholku ematen dizkigun berak eta noski, zuek nahi duzuen hura ere galdetuko diogu.
Badakizue, asteazkenero bezala (ondorengo bi asteetan ez da izango oporrak medio) Lizarriturri DJ Doktorea eta 27zapatarekin astero dekoratuz aldatzen duen irratsaioa: ARRAIOENEA. Gure etxea, zure etxea.
Hilabetea: martxoa 2009
Azken bi saiakeretan izandako arazoak alde batera utziz, gaur, Martxoaren 31ean Dirtaa taldeko kideak izango ditugu ZarataZarautz irratsaioan. Maketa bat kaleratu berri dute Zarauztarrek eta diska berri honetaz hitzegiten egongo gara gaurkoan. Guzti hau, gaueko 21:30etatik aurrera izango da.
Honez gain, gogoratu nahi dizuegu ZarataZarauzkoek web orri berria dugula ikusgai.
 
martxoaren 30eko BITACORA KAIERA saioan Tailandiara egingo dugu hegaz, Nerea eta Rairen laguntzaz.
betiko moduan 9etatik 10etara, arraio irratian, BITACORA KAIERA
Kaixo irratikide!!
Atzo, martxoaren 29a izaki, Arraio Irratian igandero bezala Ahuntzaren Gauerdiko Eztula irrati saioa burutu genuen gaueko 9etatik 11etara. Hutsune nabariak izan genituen: B-jauna eta Malintxe falta zitzaizkigun, baina E-donato eta I-Januak izan genuen zer esana bi orduetan zehar.
Lehenik, ohiturei jarraiki, efemerideak errepasatu genituen, jarraian asteko errepasoarekin sartu ginen, izan baitugu makina bat ekitaldi. Asteburuan buruturiko pare bat emiken ere aipatu genituen, besteak beste Korrika 16-ren arira egin zen poteo, bazkari ta kontzertua, eta bestalde Arraio Irratiaren programazio berrikuntza. Geroxeago larunbat gauean gertatu zen ordu aldaketa izan genuen hizketagai, noiztik eta zergatik aldatzen dugu ordua?
Eta azkenean iritsi zen gure berrikuntza: Mundua lo dagoen bitartean irrati nobela.Patxi Zubizarretak idatzitakoa eta Txalaparta argitaletxeak kaleratua. Bertan maitasun istorio bat intriga, suspense eta umorearekin nahasten dira irratsaio formatuan. Lau kapitulutan zatiturik dago eta gun lehengoa emititu genuen.
Amaitzeko, Gazte Martxaren egitaraua, Pasaiako sarraskiaren urteurren ekitaldietan izandako gorabeherak eta Txile aldeko hainbat kontu ere komentatu genituen. Beti bezala, galdu ezinezko irratsaioa!!
Osorik entzuteko hemen aukera:
…..::::::DESKARGATU:::::……….