Zarauzko irrati askea
Martxoaren 24ko saioan, Mattingunen bixita izango dugu ZarataZarautz irratsaioan. Bertan, 80ko hamarkadako Italiako Hardcoreari errepaso txiki bat egingo dio. Hala nola, Wretched, Raw Power edota Indigesti bezalako taldeak entzuteko parada izango dugu gaurkoan.
Beraz badakizue, gaur, asteartea eta gaueko 21:30etatik aurrera FM-ko 99.3an aurkituko gara.
Kaixo irratikide!!
Beste igande bat gehiagoz, gaueko 9etatik 11etara, Arraio Irratiaren frekuentzian, Ahuntzaren Gauerdiko Eztula izena duen irratsaioa izan zen. I-jauna, B-jauna, E-Donato eta Malintxeren ahotsez gain, Zarauzko Gazte Asanbladako kideak izan genituen bixitan orain aste batzuk burutu zuten AHTaren inguruko ekimenak hizpide harturik.
Pasaiako sarraskia gogoan, Getarian izan zen Gazte Eguneko erreportaia ere aireratu genuen, baita espetxeetatik iristen zaizkigun berri latzak ere. Amaitzeko El Salvador aldera joan ginen bertako azken gertakarien testuingurua hobeto ulertzeko.
Hau guztia eta gauza gehiago gertatu ziren pasa den igandean, osorik entzun nahi baduzu hemen duzu aukera:
The Prodigy eta Gui Borattoren diska berriak biluztu genituen pasa den ostiralean. Iada eskuragarri duzu irratsaioa Arraioko fonotekan!!!
Kaixo lagunok. Aste honetako kaiolatik saioan oraintxe atera berri diren bi diska mamituko ditugu. Alde batetik Gui Boratto brasildarraren Take my breath away diska berria primizian entzuteko aukera izango dugu, sekulakoa benetan atera duen lan berria. Eta bestetik, London-eko The Prodigy talde handiaren itzulerako diskaz gozatuko dugu. Beraz, ezta pentsatu ere irraysaio hau galtzea. UP THE KAIOLS!!!
Kaixo irratikide!!
Pasa den igandean, martxoak 16, Ahuntzaren Gauerdiko Eztula irratsaio beteranoa izan zen Arraio Irratiko uhin libreetan gaueko 9tatik 11etara. Hizpide izan genituen gaiak oso ezberdin bezain zabalak izan ziren.
Hasteko, ohiturei jarraiki, efemerideak errepasatu genituen Wikipediaren eskutik. Jarraian Urola Kostako Hitzan agertu ziren etxebizitza hutsen datuak izan genituen hizpide. Udalak azpikontrataturiko ikerketa enpresa batek buruturiko azterketa da eta benetan datu oso interesgarriak agertzen dira.
Honetaz gain, ostiralean Kamaradak sare internazionalistak eskeini zuen hitzaldiaren zatitxo bat ere eskeini genuen baita larunbatean Putzuzulo Gaztetxean izan zen kontzertu ezberdinen grabaketak ere.
Hau guztia, jakina, I-Jauna, B-Jauna, E-Donato eta Malintxeren iruzkin interesgarriekin zipriztinduta. Hau da, galdu ezinezko beste irratsaio bat!
Hemen daukazu irratsaio osorik entzuteko aukera:
