Press "Enter" to skip to content

Kategoria: Ahuntzaren Gauerdiko Eztula

Atzo eta gaur, Espainiaren inperialismoaren aurka!

Ahuntzaren Gauerdiko Eztula Ahuntzaren Gauerdiko Eztula
2017-10-14

Podcast: Play in new window | Download

Kaixo ahuntzok!

Agenda arazoak tarteko, aurreko astean ezin izan genuen irratsaiorik egin, eta hasteko, barkamenak gure entzule fidel guztiei. Baina lasai! Irratsaio mamitsuarekin gatoz aste honetan ere.

Urriaren 12a pasatu berri dela baliatuz, Espainiaren atzoko eta gaurko inperialismoaren gainean arituko gara. Askapenako Gabi izango dugu gurekin, inperialismoak jatorrizko herriei eragindako hilketa, lapurreta eta txikizioa ezagutzeko. Bereziki, maputxe herriaren egoera aztertuko dugu.

Azkenaldian (ere) agerian geratu da Espainiako Estatuaren izaera faxista, batez ere, Herrialde Katalanetako egoeraren harira. Azken gertakariak errepasatuko ditugu, baina Euskal Herria ahaztu gabe. Ondo dakigu hemen ere zer den Espainiako Estatua: aste honetan baieztatu da Ibon Iparragirre presoaren egoera hil ala bizikoa dela, eta haren anaia batekin hitz egiteko aukera izango dugu.

Aurtengo atal berriari eutsiz, Paulen kolaborazio berri batez ere gozatu ahal izango dugu.

Beti bezala, 21:00etatik aurrera Arraio Irratian! FM 99.3!

Sols el poble salva al poble!

Ahuntzaren Gauerdiko Eztula Ahuntzaren Gauerdiko Eztula
2017-10-01

Podcast: Play in new window | Download

Kargak, kolpeak eta indarkeria indiskriminatua boto emaileen aurka, eta hala ere, milaka eta milaka herritar autodeterminazio eskubidea gauzatzeko antolatuta. Ezin zen bestela, gaur Herrialde Katalanetatik eta gela arroxetik egingo dugu denboraldi berriko lehenengo saioa.

Egunaren jarraipena, zuzeneko testigantzak Bartzelonatik, elkarrizketa, eguneko adierazpenak, Euskal Herriko elkartasuna…

Igandero bezala, 21:00etatik aurrera Arraio Irratian! FM 99.3!

Sols el poble salva al poble! Katalunia aurrera!

Venezuela aurrera!

Ahuntzaren Gauerdiko Eztula Ahuntzaren Gauerdiko Eztula
2017-06-18

Podcast: Play in new window | Download

Kaixo ahuntzok!

Hau da hau… Uda aurreko azken saioa dugu gaur! Atsedenaldi bat hartuko dugu iraila bitartean, baina saio mamitsu batekin gatoz aurretik. Gaur Bilbon Venezuelako iraultza bolibartarraren alde izandako manifestazioaren aitzakian,Fakun Aznarez izango dugu gure uhinetan. Herrialde hartako egoeraz eta Euskal Herritik erakutsitako elkartasun internaziolistaz arituko zaigu kazetaria.

Euskal Herriak ere jaso du elkartasun hori askotan, eta horren lekuko dira, esaterako, hainbat herrialdetan bizi diren iheslari politikoak. Horietako bi sorterrira itzuli dira asteon: Alejo Moreno eta Arturo Villanueva. Arturorekin hitz egin dugu itzulera horri buruz.

Hori, asteko beste kontuen errepasoa eta askoz gehiago, igandero bezala, 21:00etatik aurrera Arraio Irratian! FM 99.3!

Kalerik gabe… ezinezkoa

Ahuntzaren Gauerdiko Eztula Ahuntzaren Gauerdiko Eztula
2017-06-11

Podcast: Play in new window | Download

Gaurkoan, Ekainak11, beste ikrratsaio interesgarri bat izanen dugu
Denboraldi hontako azkenengoa agian
Eta beste behin ere kalearen garrantzia azpimarratzeko erabiliko dugu.
Tolosara joango gara azken denboraldian bertako gazteak jasaten ari diren errepresioaren inguruan aritzeko.
Hortarako, tfnoaren beste aldean izango dugu “Gazteak kalean” mugimenduko lagun bat.
Bestetik, “Kalea Guztiona Da” Zumaiko herri mugimenduko kide bat izango dugu solaskide: Kalea ez dela inorena, guztiona dela gogoraraziz.
Bilbora ere joango gara, gaur ere bertako kaleetan Ibon eta preso gaixoak askatzeko exigituz izan den manifestazioa aitzaki. Ibonen anaia Jonkirru Iparragirre izango dugu beste behin ere anaiaren azken gorabeherak azaldu asmoz.
Bukatzeko, ostegunean getarian “Kuba: Verdades y mentiras” hitzaldiaren korte batzuk izango ditugu entzungai bertan izan baizen Ijauna erreportari lanetan.
Hau dena eta Zirriren bertso hunkigarri bat (azkenean)… 21’etatik aurrera

HERRIAK BIZIRIK !!

Ahuntzaren Gauerdiko Eztula Ahuntzaren Gauerdiko Eztula
2017-06-04

Podcast: Play in new window | Download

Kaixooo!
Gaurkoan ere ahuntzak ezin muzin egin entzule zareten guztioi. Hainbat adibidetaz arituko gara Herriak Bizirik dauden adierazle.
Eta bertatik hasiko gara, Getaritik hain zuzen ere. Bertako kofradia zaharra berreskuratu nahian ari dira Getariako eskubide sozialen kartako kideak eta Aritzekin izango gara zuzen zuzenean, martxan jarri duten sentsibilizazio kanpainaren inguruan.
Bestetik, Kuba, egiak eta gezurrak´ izeneko mahai-ingurua ere antolatu dute hainbat eragileren artean ekainaren 8an, parte-hartzaile hauekin: Mariela Castro Espín, diputatu kubatarra eta `Sexu Hezkuntzako Zentro Nazionaleko´ (Cenesex) zuzendaria; Aleida Guevara March, mediku kubatarra, `Centro de Estudios Che Guevara´ erakundeko kidea eta Ernesto Che Guevararen alaba; eta Claudia Camba, `Un mundo mejor es posible´ fundazioko lehendakaria eta Kubako osasun- eta hezkuntza-arloetako misio solidarioen koordinatzailea Argentinan.
Honen inguruan ere mintzatuko gara Aritz berarekin.
Eta noski, atzoko egunean Gasteizko kaleetan izan zen manifestaldia ere izango dugu solasgai.
Errekaleor bizirik jarrai dezan, milaka lagun bildu ziren eta bertan izan genituen Ahuntzako 2 erreportari.
Bukatzeko, Gernikako Astra zentru sozialean burutu diren formakuntza saioaz arituko gara.
“Herri jantzia, Garaipenaren hazia” lelopean, bertan izan genuen IJauna eta bizi izandakoa ekarriko digu gela arroxetik zuzen zuzenean.
Hau dena, 21’etatik aurrera Kostaldeko irratirik onenean!