Press "Enter" to skip to content

Kategoria: Berriak

Urteko kontzertua Putzuzulon!!!

human_rights human_rights
2009-08-05

Abuztuaren 7an, ostiralean, arratsaldeko 20:00etatik aurrera 5. Arraio Blues gaua ospatuko da Gaztetxean. Arraio irratiko Arraio Blues irratsaioak burutzen dituen kontzertu akustiko honek 5. edizio bat izango du iada. Eta 5. edizio hau burutu zuten lehen kontzertuaren forma berdina izango du, hau da, kontzertua Putzuzuloko terrazan burutuko da arratsaldeko 20:00etan. Eta batenbatek afaldu behar duenaren aitzakia jartzen badu jai dauka, egun horretarako Arraio irratiko kideek luntx begetariano bikain bat prestatuko dutelako.

gartxot1.jpg

Bertan, lehen Arraio Blues gauean jo zuen Gartxot bakarlaria arituko da. Orain dela ez asko, Zubietan burutu zen Erraustegiaren aurkako jardunaldietan aritu zen eta Zarauzko lagun batzuk ikusteko aukera izan genuen. Galdu ezinezko kontzertua!!!!

Gartxotekin batera, Meren Bizkaitarrak joko du. Kantu klasikoen moldaketak burutzen ditu humore ikutu elegante batekin.

Short Fuse taldeak Putzuzulon joko du

human_rights human_rights
2009-08-03

Beste behin ere, ZarataZarautz irratsaioko kideen eskutik, Inor Ez, Dictadura eta Short Fuse taldeak ikusteko aukera izango dugu, abuztuaren 5ean, asteazkenean.

Inor Ez Zarauztarrak, Estatu Espainiarrean ibili dira egun batzutan kontzertuak eskeintzen eta Zarautzen emango duten hau bira txiki honen amaierako kontzertua izango da. Dictadurakoek berriz, beraien bigarren kontzertua eskeiniko dute. Uztailean, Getariako Gaztetxean ikusteko aukera izan genituen Limp Wrist eta Face Up To It taldeekin batera. Metralleta, Ezereza edota Afonia bezalako taldeetako partaideez osaturiko taldea dugu honakoa. Putzuzuloko oholtzara igotzen azkenak izango direnak, Short Fuse alemaniarrak dira. Alemaniarrak Europar biran dabiltza eta Euskal Herrian emango duten kontzertu bakarra honakoa izango da. Kontzertua, 20:30etan hasiko da.

Bi kontzertu interesgarri ZarataZarautzen eskutik

human_rights human_rights
2009-07-28

Aste honetako Putzuzulo Gaztetxeko kontzertu egitaraua oso kargaturik dator eta honen erantzuletako bat ZarataZarauzko kideak dira. Uztailaren 29 eta 30ean bi kontzertu oso interesgarriz gozatzeko aukera izango dugu.

Uztailaren 29an, Determination eta Trigger Travisen doinuez gozatzeko aukera izango dugu. Trigger Travis Donostiarrek, skizo rockin´hardcore moloia egiten dute eta aurreko batean ere Putzuzulon izan genituen. Determination Austriarrek berriz, eskola zaharreko punkjarkorea melodiak jorratzen dituzte.

Uztailaren 30ean berriz, MR. Miyagi eta Carne Para Gusanos taldeek joko dute. MR. Miyagi Portugaldarrek, sxe punkjarkorea jorratzen dute eta Europar biran dabiltza. Carne Para Gusanos Beasaindarrek berriz, hardcore crust bortitza egiten dute.

Bi kontzertuak, gaueko 21:00etan hasiko dira. Beti bezala, gogoratu behar dizuegu kontzertuak 23:00etan amaiturik egon behar dutela eta ondorioz, puntual azaltzea eskertuko dugu.

Arraio Irratiak udako programazioa martxan jarri du

human_rights human_rights
2009-07-14

Martxan da iada Arraio irratiko udako programazioa. Uztaila, Abuztua eta Iraila bitartean, oporraldi txiki bat hartuko dute irratian ibiltzen diren lagun gehienek.

arraio3.jpg

Honen ondorioz, irratsaio batzuk ez dira Irailerarte itzuliko. Betiko ordutegiarekin jarraituko dutenak, ZarataZarautzko kideak izango dira (asteartetan 21:30etatik 23:00etara). Kaiolatik irratsaioko lagunek, Uztaila osoan zehar egingo dute irratsaioa (ostiraletan, 20:00etatik 21:00etara), Abuztuan jai egingo dutelarik. Honez gain, Izerditan Blai irratsaioak, gure herrian izango diren kirol ikuskizunen inguruan irratsaio bereziak burutuko ditu. Hala nola, Zarauzko estropadak, Frantziako Tourreko etaparen bat, Zaporra pilota txapelketako jarraipenak eta abar luze bat egingo dituzte. Amaitzeko, Ahuntzaren Gauerdiko Eztula irratsaioak ere emanaldi bereziak egingo ditu udako 3 hilabeteetan zehar. Irratsaio hauek, gure webgunearen bidez informatuko dugu.

Beste irratiei dagokienez, uda osoan zehar Info 7 irratiko albistegia entzun ahal izango da aurreko programazioetan bezala. Honez gain, irrati berbereko Kale Gorrian irratsaioa, astelehenetik ostiralera emititzen jarraituko du, goizeko 08:00etatik 09:00etara. Gainontzeko programazio ordu guztiak, musikaz alaituak izango dira.

Datorren programazioaren aurkezpena, Irailaren 22an egingo da. Bertan, Udazken osoan zehar emitituko den programazioa aurkeztuko da. Honen harira, edonork Arraio irratian parte hartu nahiko balu edota irratsaioren bat egin nahiko balu, gurekin kontaktuan jartzera gonbidatzen dugu arraio@arraio.net edota zaratazarautz@arraio.net helbidetara idatziz.

Guzti honez gain, gogoratu uda osan zehar bai ZarataZarautz eta baita Arraio Blueseko lagunek kontzertu ezberdinak antolatu dituztela Zarauzko Putzuzulo Gaztetxean. Arraio irratiko webgunearen bidez informatuko dugu guzti honetaz.