Kategoria: Berriak

Zarauzko irrati BAKARRAK 3 urte bete dituelako idazten dizuegu. Arraio irratiak, astebukaera honetan ospatuko du bere 3. urteurrena.

Giroa berotzen hasteko, Maiatzaren 15ean eta ZarataZarautz irratsaioaren eskutik, Punk Rock gaua izango dugu Putzuzulo Gaztetxean. Bertan, Criminal Damage Estatu Batuarrak, Sospechosos Oñatiarrak eta Plan B Donostiarrak izango ditugu, gaueko 21:30etatik aurrera.

Maiatzaren 16an berriz, festa erraldoia antolatu dute arratsaldeko 18:00tan hasita. Ordu horretan eta frontoi txikian, bi orduko irratsaio berezia egingo dute jendaurrean. Bi ordu hauetan, Izuo Bakarlaria, Zarauztar Bertsolari gazteak eta antzerki berezia izango dugu. Guzti hau, lehiaketa berezi batez eta barra mobil elegante batez lagundua izango da.

Honen ostean, gaueko 22:30etatik aurrera eta Zarauzko Putzuzulo Gaztetxean, kontzertu itzela izango dugu Karrozerias Betoño taldearekin. RIP edota Las Vulpess taldeetan ibilitako jendeaz osatua dago talde hau eta 80ko hamarkadako bertsio zaharrak egiten dituzte. Kontzertuaren ostean, DJ ElektroPeña izango dugu gau amaierararte.

Amaitzeko, Maiatzaren 20an, irratsaio berezia egingo da Arraioko egoitzan bertan. Gaur egun Arraio irratia osatzen duten irratsaioko kide guztien artean bi orduko saioa egingo dugu, urteko errepasoa egiten, sketch bereziak egiten eta sorpresa asko emanez.

Beraz badakizue, astebukaera honetan ospatu ezazue irratiaren urteurrena gurekin. urteurrenean ikusiko garela

 

maiatzaren 11ko saioan, espazioan ezezik, denboran ere hegan egingo dugu, aspaldiko bidaiek abantaila horixe dutelako, bi baten salneurrian…

zarauztik abiatu, alemaniara, arantzazu tarteko…

erakargarri???

sintonizatu arraio irratia 9etatik 10etara

Pasaden astean, Putzuzulo Gaztetxean burututako hitzaldi eta kontzertuak entzungai dituzue iada. Hemen behean klik eginaz jeitsi ditzakezue:

Josetxo Mintegiren hitzaldia

Revolutionary Brothers & King Konsul

PI3 eta Beltza

Maiatzaren 6an Arraioenea baratzez dekoratu genuen. Eta baratzeko lurra eskutan hartu, buruaren gainetik jaso eta eskua askatu genuen lurrezko bataioa sinbolizatuz, Bitoriano Gandiagak egin bezala. Gure baratzaz gainera, arbasoen baratzeko ateak ere zabaldu genituen Xabier Lizardiri eskerrak. Badakizue, astero bezala, inor indiferente utziko ez duen irratsaioa egin genuen Lizarriturri DJ Doktoreak eta 27zapatak

ENTZUTEKO KLIK!

Jakingo duzuen bezala, aste honetan Bob Marleyren omenezko astea burutzen ari dira Zarauzko Gaztetxean. Maiatzen 6an hitzaldi interesgarri bat izan zen Gaztetxean bertan eta gaur kontzertua izango dugu

Gaur gauean, Revolutionary Brothers eta King Konsulek zuzenean Putzuzulo Gaztetxean emango duten kontzertua entzuteko aukera izango duzue arraio irratian.

Biharko Beltza eta TT3-ren sesioa ere emititzen saiatuko garela ere informatu nahi dizuegu. Baina lehenago, gaur, ostirala, gaueko 22:30etan sintonizatu ezazue 99.3a