Kategoria: Berriak

Asteazkenero bezala aste honetan ere saio mamitsua izango dugu Izerditan blai irratsaioan. Betiko emaitzez gain aste honetan Zarauzko Gentilbaratzako Labiano izango dugu gurekin.

Talde honek boulder moduan eskalatzeko lokala du, gure herrian eskalada mota hau egiteko toki duin bakarra berau dugu. Eskaladak zarauzko herrian duen afizioaz zein talde honek dituen beharren aurrean udaletxeak ematen duen erantzunaz mintzatuko gara, beste kontu ta pasarteren artean.

Beraz galdu ezinezko zita asteazkenean 20.00tatik aurrera gure irratian.

Podcast: Play in new window | Download

Azaroaren 9ko saioan Julio Verne jaunaren neskame izandako Marta izan genuen gure artean. Lehenengoz ezkutuko txokoetara gidatu gintuen pertsonaiaren azken egunak bertatik bertara sentitu genituen bera eta bere irudimenezko zitezkeen parajeak ezagutuz fikziozko bidaia erreal batean barrena; munduaren erdigunea, Nemo Kapitainaren Nautilus, itsaso geza, ilargia..

Euskal Herriko Bertsolari txapelketa nagusiko bi final aurrekoak Arraio irratian entzun ahalko dira. Info 7 irratiarekin konexio berezia egingo dugu larunbat eta igandean, Bergarako eta Gasteizko final aurrekoak entzuteko.

Larunbatean, arratsaldeko 17:00etatik aurrera, Bergarako Udal pilotalekuan Aitor Mendiluze, Maialen Lujanbio, Etxahun Lekue, Beñat Gaztelumendi, Fredi Paia eta Jon Martin ariko dira elkarren aurka.

Igandean berriz (hau ere 17:00etatik aurrera), Gasteizko Europa pabiloian, Unai Iturriaga, Miren Amuriza, Iñaki Zelaia, Arkaitz Estiballes, Xabi Paya eta Maddalen Arzallus egongo dira lehian.

Beraz badakizue, Bertsoen zale zaretenok, larunbat eta igandean, arratsaldeko 17:00etatik aurrera sintonizatu FMko 99.3a.

Iepa kaxo!! Guarko Izerditan blai saioan larunbat goizean jokatu zen II. Emayonk lori pala txapelketa izango dugu hizketa gai. Kopan Iban- Jabi bikotea Azkune-Subiñas(fausto)en aurka aritu ziren, ligan aldiz Axpi-Garik Egoi-Gazta bikotea izan zuten aurkari. Finalisten iritziak izango ditugu Edonatok egindako lanari esker.

Honetaz gain beti bezala gure taldeen emaitzak izango ditugu, saskibaloiko taldean erdietsitako garaipen garrantzitsua aipatuko dugu beste batzuen artean. Gaurkoan arraunaz ere jardungo gara, aldiste oso interesgarriak baitaude herriko traineruan ez ezik herriko arraunlarietan ere bai. Surfari ere tartetxo bat eingo diogu Kanariar irletan WQS 6 izarreko txapelketa hasi baita.

Denborarik izaten badugu beste historiko baten berri emango dizuegu, gaurkoan igerilariei emango txanda izango da, nork ez ditu gogoan Martin L_p_z Z_b_r_ ta A_e_s_n_r _o_o_????