Zarauzko irrati askea
Kaixo!
Gaur maiatzaren 21a da eta Hego Euskal Herrian gehiengo sindikalak greba orokorrerako deia zabaldu du. Arraio Irratiak ere bat egin eta lehen eskuko informazioa emanaz ibiliko gara egunean zehar.
Berri hau eguneratzen joango gara….
Podcast: Play in new window | Download
Kaixo lagunak:
Askok jakingo duzuen bezala, Maiatzaren 20a da Arraio irratia FM-ra pasa zen eguna. 3 urte pasa dira iada eta egun handi hori gogoratuz irratsaio berezia egingo dugu gaur, arratsaldeko 19:00etatik aurrera.
Bertan, Izerditan Blai irratsaioaren gidaritzapean, gaur egun Arraio irratia osatzen duten irratsaio guztiek parte hartuko dugu. Bakoitzak, denbora murritz batean, gure kirolarien galderak erantzungo dituzte, edo prestaturiko sorpresaren bat entzunaraziko digute.
Garbi dago galdu ezinezko irratsaioa izango dela. Badakizue, gaur, arratsaldeko 19:00etatik aurrera sintonizatu Arraio irratia. Ondoren denak Santa Marinetara joango gara Egan taldea ikustera!!!
Honez gain, Maiatzaren 21ean izango den Greba orokorraren jarraipen berezia egingo dugula ere esan nahi dizuegu. Goizean goiz hasita, irratsaio berezia egingo dugu Zarautzen gertatuko denaren berri emanez.
Kalean korrespontsalak eta guzti edukiko ditugu eta arratsaldeko 16:00etatik aurrera, Sindikatu ezberdinetako kideak izango ditugu mahai inguru batean grebaren nondik norakoez hitzegiten. Hala ere, informazio gehiago Grebaorokorra.info webgunean ere aurkitu dezakezue.
maiatzaren 18ko Bitacora Kaiera saioan bizikletaz egingo dugu hegaz Albaniara, Europako lurralderik ezkutuenetakoa… gonbidatuak aurtengo udan egindako bidaia xehetuko digu
asteleheneroko moduan, Arraio irratian, 9etatik 10etara, BiTaKoRa KaieRa
Podcast: Play in new window | Download
Eguraldiari beldur garenez, azkenean Putzuzulo Gaztetxean ari gara irratsaio berezia egiten.
HEMEN DUZUE IRRATSAIO BEREZI OSOA ETA IzuoREN KONTZERTUA!!!!!!
Jakingo duzuen bezala, Zarauzko Putzuzulo Gaztetxean Palestinaren inguruko astea antolatu dute. Gaurkoan, Maiatzaren 14an, Palestinako gaur egungo egoerari buruz eta Israelgo Estatuari egiten ari zaion boikotaz hitzegingo digute Palestinan izandako brigadista batzuek. Hitzaldi hau, Arraio irratian entzun ahalko duzue arratsaldeko 19:00etatik aurrera. Beraz, hitzaldira azaldu ezin duenak, aukera paregabea izango du 99.3an entzuteko
