Press "Enter" to skip to content

Kategoria: Berriak

Egunik hotzenetan ere Izerditan Blai!!

izerditan blai izerditan blai
2009-12-16

Iepa kaxo!!
Tenperaturek laguntzen ez duten arren gaur ere Izerditan Blai irratisaioa izango duzue entzungai. Egun hotzetan berotzeko aukera egokia da kirola egitea edota kirol irrati saioa entzutea. Gaurkoan asteburuan izan ditugun partiden berri emango dugu, betikolez. Aipamen berezia eginaz saskibaloi taldeari 11 garaipena erreskadan lortu dituztelako.

Futbolean, gizonezkoen preferente mailan, taldea bolada onean dabil, hau ere mintzagai izango dugu nola ez. Baita hondartzako futbola ere, jardunaldi berri baten atarian baikaude.

Azkenik surf izango dugu, jada denboraldia bukatu baita. Bart gauean amaitu da Pipelineko Koroa Hirukoitzeko froga, Aritz Aranburu WQSen arituko da urrengo urtean, Mick Fanning-ek irabazi du munduko txapelketa ta Joel Parkinson izan da Koroa Hirukoitzeko txapeldun.

Beraz badakizue, kirolaren inguruko beste saio interesgarri bat 20.00tatik aurrera Arraio irratian 99.3an, zarauzko irrati librean!!

izerditanblai

Arraio irratia Euskarasteko ekitaldietan egongo da

human_rights human_rights
2009-12-15

Aste honetan, Putzuzulo Gaztetxean ospatuko diren Euskarasteko jardunaldietan Arraio Irratia ere egongo da. Kopla txapelketa zuzenean FMtik emititzeaz gain, aste barruan burutuko diren hitzaldi batzuk ere emitituko ditu.

Esate baterako, gaur arratsaldeko 19:00etatik aurrera Jose Angel Aldai, Garabide elkarteko kideak eman behar duen hitzaldia, Arraioko uhin libreetan entzun ahalko da. Oraindik ez gaude ziur, asteazken eta osteguneko hitzaldiak emititu ahalko ditugun, baina saiatu behintzat saiatuko gara.

negua2.jpg

Honez gain, Arraio irratiaren neguko programazioa ere aurkeztuko dugu larunbat goizean, Santo Tomas egunaren harira Foru Zaharren enparantzan burutuko den azokan. Goizeko 10:30etatik aurrera, giroa berotzen egongo gara bertan eta gure neguko programazioaren nondik norakoez hitzegingo dugu.

Entzun beste eztul korrosibo bat!!!

human_rights human_rights
2009-12-14

Podcast: Play in new window | Download

Aurreko asteko hutsaren ondoren, osasunez lepo itzuli gara igande hontan. Jardinero bere betiko efemeride libertarioekin etorri zitzaigun eta gero baita ere, asteari errepasotxo labur bat egin genion. Noski, bertsolaritzaz ere aritu ginen, hirurok txapela buruan genuela. Aupa Maialen!!!

Honen ostean, Haimar Arozena, Parisen preso daukaten Zarauztarraren inguruan aritu ginen. Abenduaren 16an, asteazkenean izango da epaitua eta bisitan joaten zaion bere lagun batekin aritu ginen telefonoan bitrtez hitzegiten. Asteazkenean Malintxe eta Edonato bertan izango dira eta hurrengo igandean epaiketraren berri izango duzue.

Gero, 22’00etatik aurrera Zarautz Egunkariaren alde taldeko kide bat izan genuen gonbidatu bezala. Noiz sortu zen, zein ekimen in izan diren, aste hontako epaiketa, hurrengo ekimenak… etab-taz aritu ginen.

egunkarialibre.jpg

Internazionalismoaz ere aritu ginen, baina Askapeñakoen laguntzarik gabe. Beno ba, hurrengo igandean kolaboratzaile batzuk izango ditugu eta baita gonbidatu berezi bat ere.

Iganderarte! Osasuna!!

Bertsolari txapelketako finala Arraion

human_rights human_rights
2009-12-10

Abenduraren 13ko bertsolari txapelketa nagusiko finala Arraio irratian entzun ahal izango da beste behin ere. Igandean jokatuko den finalean, Andoni Egaña, Maialen Lujanbio, Amets Arzallus, Aitor Mendiluze, Jon Maia, Unai Iturriaga, Aitor Sarriegi eta Sustrai Colina izango dira norgehiagokan.

finalistak.png

Beti bezala, goizeko 10:00etatik aurrera Info 7 irratiarekin konexioa egingo dugu gure uhin libre hauetan Barakaldoko BECen jokatuko den finala entzun dadin.