Zarauzko irrati askea
Kaixo entzule maiteak.
Biziki sentitzen dugun arren gaurkoan ez dugu Izerditan Blai saioa egiteko aukerarik. Kirol konpromisoak direla medio aste honetan huts egingo dugu. Hala ere ez beldurtu hurrengo astean etorriko baikara saio bikain batekin. Ondo izan eta hurrengo asteazken arte!!
Iepa kaxo!
Aste honetarako saio mardula prestatu dugu. Beti bezala lehen zatian herriko taldeen emaitzak izango ditugu, 3. mailan futbolekoen garaipen garrantzitsua azpimarratuaz.
Bestetik surfari ere tartetxo bat egingo diogu Koroa Hirukoitzekolehenengo froga jokatu baita eta bigarrena habian dugu Sanset Beachen, Hawaiiko Oahu irlan.
Baina aste honetako saioaren gai nagusia hondartzako futbola edota playeruak izango dira. Gurekin izango dira Kirkilla jatetxea, Aste pintiurak eta Ulacia Bidaiak taldeko kideak. Aurten zein helburu dituzten ezagutaraz gain beste zenbait gai ere jorratuko ditugu, egutegiak, antolakuntza, epaileak…
Zuek ere zuen galderak egiteko aukera izango duzue bihar 20.00tatik aurrera Arrio Irratian 99.30an!
Iepa kaxo!
Hemen gara, gaurkoan Mada izan behar genuen elkarrizketatua baina areto futboleko Ceramicas Nogales taldeko lagunak negozio afaria du. Beraz beste batean jardungo gara luze eta zabal areto futbolaz. Iaz azken orduan jetsiera saihestu zuten, eta aurten ere helburua berdina duen taldearen goraberak ea hurrengo astean jakiterik ditugun.
Hala ere ez pentsa saiorik gabe geratuko zaretenik lehen zatian emaitzak izango ditugu beti bezala, futboleko porrot mingarriak zein ondorio ekar ditzaken argitzen saiatuko gara. Bestetik igandean jokatu zen Kantauri Surf Ligako final handia, bertan getaiko Lonjan taldea izan ziren nagusi, hau ere aipatuko dugu.
Azkenik playerotako kiniela egingo dugu hurrengo asteko mahai ingurua girotze aldera. Ondo izan eta ez hutsik egin gaurko saion 20.00tatik aurrera FMko 99.3an!!!
Iepa kaixo!
Aurreko astean aurreratu genizkizuen Kantauri Surf Liga-ren lehen zertzeladak. Gaurkoan ekimen honi buruz gehiago jakingo dugu gurekin izango direlako Lore Eizagirre eta Jaime Uranga. Gainera igande honetan dute final handia Marina Txiki Pointen eta bertarako pronostikoa ere eskatuko diegu.
Elkarrizketaren ostean zarauzko taldeen emaitzak errepasatuko ditugu, areto futboleko garaipen garrantzitsua azpimarratuz. Honez gain hondartzako futboleko azken jardunaldiko emaitzak errepasatuko ditugu.
Azkenik saioa amaitzeko larunbatean izan genuen 4. Emaionk Lori pala txapelketako finala gogoratuko dugu. Xabier Euzkitze eta Elektrotoloxak bikain girotu zuten, bai horixe.
Gogoratu ez hutsik egin gu Arraio Irratian egongo gara 20.00tatik aurrera (errepikapena ostegunean 14.00tan)
Iepa kaxo!
Asteburuko euri jasek ez gaituztenez eraman, eguzki printzekin gatoz beste astebetez zuengana. Gaurkoan beti bezala lehengo zatian emaitzak izango ditugu, saskibaloiko garaipen handiari errepaso sakona eginaz.
Honez gain surfari tarte berezia eskainiko diogu. Matematikekin arazo batzuk izan arren 11. aldiz Kelly Slater izan dugu ASPko txapeldun. Bere ibilbide luze zabala ez dugu sakonduko askorik baina egin duen lana goraipatuko dugu. Txapel hau Kaliforniko San Francisco Rip Curl Pro 2011 lehiaketan irabazi du nahiz eta froga hau agian bere oinordeko izango den Gabriel Medinak irabazi duen.
Surfarekin jarraituaz kantauri aldera egingo dugu salto. Goi mailako txapelketen ereduak alde batera utziz liga parte hartzaileago baten aldeko apustua egin dute. Proiektu honen berri emango dizuegu gaurkoan. Zuen aldetik zerbait gehiago jakin nahi ezkero honen inguruan bixitatu Kantauri Surf Ligaren web orria.
Saioa amaitze aldera hondartzatik mugitu gabe plaieroetako kiniela egingo dugu beste, gogoratu zuek ere parte har dezakezuela feizbukaren bidez edota gure helbide elektronikora idatziaz izerditan@arraio.net
Bukatzeko 4. Emayonk Lori pala txapelketa errepasatuko dugu, ligako eta kopako kanporaketak amaitzear daude eta gogoratu larunbatean 11tan Manuelako Fronotoian izango dire finalak.
