Zarauzko irrati askea
Apa kaxo!
Gaurkoan ez dugu prestaturik genuen saiorik egingo. Alde batetik arraunlariei entrenamendua dute eta bestetik esatari baten anginak. Beraz barkatu eragozpena entzule maite, denboraldiko azken saioa uztailean egingo dugu, Gerardo eta guzti. Ondo izan!!
Podcast: Play in new window | Download
Apa kaxo!!
Hemen gara beste asteazken batez kirol saio bikain batekin. Gaurkoan gainera ospakizun eguna dugu, biharko egunez egin baikenuen gure lehen saio orain 7 urte, beraz, ospa dezagun!!
Honetarako saio berezi bat prestatu dugu, lehendabizi zarauzko triatloia edo aurten egin den duatloiaren berri emango dizuegu. Ondoren Fijira joko dugu gaur goizean amaitu berri den txapelketaren kronika egiteko, Kortxero Zikiñak ere Antofagastan, Chilen, gertatutakoaren berri emango digu.
Uretan jarraituz, arraun denboraldiari ere tarte gehiago eskainiko diogu, gure herriko traineruan izan diren alta eta bajak gogoratuz.
Azkenik eta aspaldiko partez pare bat historiko ekarriko ditugu gogora, tourraren ataritan gauden honetan nola ez bi txirrindulari izango ditugu izpide, batetik Fede Etxabe eta bestetik Chris Boarman. Beraz, gusto baduzue, entzun gure saioa 20.00tatik aurrera FMko 99.3an edota www.arraio.net web gunean.
Podcast: Play in new window | Download
Apa kaxo!
Aste honetan bai, aste honetan rugbyko jolari bati egingo diogu elkarrizketa, Josu Galarraga kapitainari hain zuzen. Aurreko astean arrazoi ezberdinengatik ezin izan zuten gugana etorri baina asteazken honetan irratiko gela arroxean izango dugu.
Elkarrizketa honez gain, Eneko Iturriotz ere izango dugu telefonoaren beste aldean areto futboleko denboraldiri errepaso bat emateko. Orain aste batzuk bukatu zutenez liga honen balorazio bat eskatuko diogu.
Arrauneko denboraldia ere motorrak berotzen ari denez Mutrikun izan zen estropadaren berri emango dizuegu, gero eta gutxiago falta bata TKE eta ARC ligak hasteko.
Azkenik uretan jarraitzu Fiji aldera joango gara, Tavaruan ASPko laugarren froga puntuagarria hasi baita. Irudi ikusgarri hauek utzi dizkigu…..
Aupa kaxo!
Aurreko astean jai egin ondoren oraingoan saio bikaina prestatu dizuegu zuentzako. Biharkoan herriko taldeen emaitzak bixi bixi emango ditugu ondoren bi elkarrizketa izango baititugu.
Lehendabizi Txufo eta Z.R.T.ko lehendakaria etorriko zaizkigu lortu duten balentriaz hitz egitera. Rugbyaren historian ez baita horrelakorik lortu, ohorezko B mailara igotzea lortu dute zarautzko zekorrek, bejondeiela!
Bestetik Kortxero Zikiña ere gurekin izango dugu etzandako surfeko beste froga bat jokatu da, oraingoan Arica, Txilen izan dute zita eta bertan geratutakoaren berri emango digu. Surfarekin amaitzeko Aritz Aranbururi tarte berezi bat eskainiko diogu, ASPko gizonezkoen rankinean 24. dago oarin gutxi bukatu den Saquaremako frogan final laurdenetara iritsi baita.
Beraz badakizue gai hauen inguruan informazio gehiago nahi baduzue ez hutsik egin, asteazkenero 20.00tatik aurrera Arraio Irratian baikaude!!
Kaixo entzule maiteok!
Konpromezu akademikoak eta bestelakoak medio asteazken honetan ez duzue Izerditan blai saiorik izango. Zuen kirol irratsaio gogokoenak huts egingo dizue nahiz eta aste honetan albiste asko izan, rugby taldearen igoera edota saskibaloiko mutilen lehen taldeak maila mantentzen duela.
Hala ere ez ahaztu aste honetan Arraio Irratiaren 7. urteurrena dela eta aspertzeko betarik ez duzuela izango. Espero dugu antolatutako ekintzetan elkar ikusiko garela.
Azkenik hemen duze Brazilen amaitu berri den txapelketako olaturik onenak, goza ezazue!!!
