izerditan blai – 61 orrialdea – Arraio Irratia 99.3 FM

Gerard, surfa eta playeroak biharko Izerditan blai saioan

2014-04-22

Iepa kaxo entzule maiteak!

Aurreko asteazkenean huts egin ostean saio bikaina prestatu dugu biharko.

Aspaldiko partez, Gerard Bridgeren deia izango dugu gure bihotzeko Redpath Alvion taldearen emaitzak errepasatuz.

Hondartzara egingo dugu salto egun batzuk jokatu ziren playerotako finalak eta beraien kinielak errepasatzeko. Ezusteko gutxi egon ziren azkenean final handian, protagonista baten hitzak ere zuzenean izango ditugu.

Australiako hondartzetara ere egingo dugu jauzi, bertan aurreko astean bukatu zen Margaret Riverren Drug Aware txapelketa eta jokoan da maila goreneko hirugarren froga Bells Beachen.

Hau guztia 20.00tatik aurrera Arraio Irratian, FMko 99.3an!!

Errugbya, Allepunta, Redphat eta hondartzako kirolak Izerditan blaien

izerditan blai

2014-04-08

Podcast: Play in new window | Download

Iepala!

Aste honetarako saio mardula prestatu dizuegu. Lehenengo zatian emaitzen errepasoa egingo dugu ohitura zaharra jarraituz. Hala ere tarte honetan Allepuntako eta Z.R.T.ko ordezkariekin hitz egiteko aukera izango dugu.

Honez gain Eskoziatik Gerard Bridgek Redpath Alvionen inguruko berri zuzena eskainiko digu.

Azkenik hondartza inguruko kiroletara egingo dugu salto. Igande goizean playeroen finalak izango direnez hauek sakon aztertu eta kiniela egingo dugu. Hondartzan jarraituko dugu, baina Australiakoan, Margaret Riverren aurrera baitoa Drug Aware froga gure ordezkaririk gabe.

Hau dena 20.00tatik aurrera FMko 99.3an izango duzue
entzungai!

Playeroak eta surfa biharko Izerditan blai saioan

izerditan blai

2014-04-01

Podcast: Play in new window | Download

Iepa kaxo!

Eguraldi bikain honekin saio bikain bat prestatu dizuegu biharko. Lehendabizi herriko taldeen emaitzak emango ditugu ohitura dugun moduan. Aipatzekoa, futbolean mutilen lehen taldeak eskuratuta garaipena eta nesken porrota. Eskubaloiko mutilen lehendabiziko taldearen garaipen garrantzitsua ere aipatuko dugu.

Playeroei ere egingo diogu tarte bat nola ez, igandeko final erdiak aipatuko ditugu luze zabal. Kinielaren errepasoa sakona ere egingo dugu.

Saioa amaitzeko hondartza batetik bestera egingo dugu, Euskal Herritik Australiara. Margaret Riverren bihar hasiko maila goreneko zirkuituaren bigarren froga eta lehendabiziko errondaren berri emango dizuegu. Hau dena 20.00tatik aurrera FMko 99.3an, Arraio Irratian!

6 nazioak eta playeroak aste honetako saioan

izerditan blai

2014-03-25

Podcast: Play in new window | Download

Iepa kaxo!

Aurreko astean huts egin bagenuen ere biharko saio bikaina prestatu dugu zuentzat.

Lehendabizi herriko taldeen emaitzak errepasatuko ditugu. Jardunaldi hau ez da oso ona izan,talde gehienek porrota jasan baitute. Aipatzekoa futbolean zarauztarren eta ketakoen arteko derbyan emandako berdinketa.

Aurreko astean Gerardi huts egin genion arren biharkoan telefonoz bestalde izango dugu 6 nazioen azken jardunaldia errepasatzeko.

Azkenik playeroei tarte berezia eskeiniko diegu, igande honetan final erdiak jokatzen direnez protagonista batzuk izango dira gurean. Gure kiniela ere egiteko moduan izango zarete aurpegiliburuan.

Ez hutsik egin, azteazkenean 20.00tatik aurrera FMko 99.3an izango gara ta!