Kaixo entzule maite!
Gogoratu nahi dizuegu gaur ez dela Izerditan blai saiorik izango, datorren astean itzuliko gara beti bezala 18.00tatik aurrera Arraio Irratian FMko 99.3an, ondo izan!!
Egilea: izerditan blai
Podcast: Play in new window | Download
Kaixo entzule maite!
Oporrak hartu aurretik egingo dugun azken saio honetan tarte berezia eskainiko diogu playerotako finalei. Urrian hasi zen denboraldia amaitzear dagoen honetan azken kiniela egingo dugu. Igandeko protagonista batzuk gurean izatea nahi genuen baina badirudi mikrofonoen aurrean jartzeak nolabaiteko errespetua sortzen diela, mikrofonorik gabe epelak entzun behar izaten ditugun arren. Hau alde batera utzita herriko taldeen errepasoarekin jarraituko dugu, aurreko saioan gizonezkoen taldeak errepasatu genituenez oraingoan emakumezkoen txanda tokatzen da hauek ere beraien helburuak lortzear baitaude.
Azkenik surfari ere tarte bat egingo diogu, alde batetik Australian bukatzear da maila goreneko zirkuituko bigarren froga eta bestetik 10 egunen buruan gure herrian izango dugu bigarren mailako txapelketaz ariko gara.
Hau dena beti bezala Arraio irratian izango duzu entzungai, 18.00tatik aurrera FMko 99.3an!!
Podcast: Play in new window | Download
Kaixo entzule maite!
Aurreko astean huts egin genuen arren oraingoan saio bikain batekin gatoz Naxari eta Patxi Magic. Aurreko igandean izan playeroetako final erdien jardunaldiak eman zuena aipatuko dugu, partida estu eta zirraragarriak jokatu baitziren Zarauzko hondartzan. Honetaz gain aspaldian aipatu ez ditugun herriko taldeen egoera izango dugu hizpide, denboraldiko azken txanpan sartuak dira gehienak eta beraien helburuak lortzen ari ote diren jakingo dugu.
Azkenik, ezin ahaztu pasa diren asteetan oihartzun handia izan duen kiroldegiko langileen greba. Atzo bertan iritsi ziren bi aldeak adostasun batera, bertan hitzartutako zertan den agertuko digu langile batek.
Kaixo entzule maite!
Asko sentitzen dugun arren biharkoan ez dugu Izerditan blai saioa egiterik izango, lan konpromisoak tarteko. Hurrengo ostiralean honelako arazorik ez edukitzea nahiko genuke, merezi duzuen bezalako saio eder bat eskaintzeko. Ondo izan ta jarraitu Arraio Irratia entzuten!!
Podcast: Play in new window | Download
Kaixo entzule maite!
Biharko saioan ere gonbidatu interesgarriak izango ditugu azken aldian bezala. Lehendabizi kiroldegiko langile bat etorriko zaigu bizi duten lan gatazkaren nondik norakoak berritu eta aurrerantzean dituzten mobilizazioen berri ematera. Jada hilabeteak pasa dira lehen greba egunetik, egoerak ordea ez onera egin eta greba egun gehiago egin dituzte azken asteetan.
Honez gain playeroen berri ere emango dugu. Igandean izan genuen jardunaldiaren emaitzak errepasatuko ditugu Ander Eizagirre “Risi”rekin. Jada badakigu nesken kanporaketak nola diren eta mutiletan zeintzuk igaro diren ligako final erdietara. Ezin ahaztu Hondartzako Hondarraren partida handia, honetan zer gertatu zen argituko digu Talai-mendiko jokalariak.
Badakizuen bezala hau dena ostiralean 18.00tatik aurrera izango duzue entzungai Arraio Irratian, FMko 99.3an!!
