Press "Enter" to skip to content

Egilea: izerditan blai

Kirola eta adinaren arteko erlazioaz arituko gara biharko saioan

izerditan blai izerditan blai
2017-11-02

Podcast: Play in new window | Download

Kaixo entzule maite!

Biharko saioan gai interesgarri bat jorratzeko asmotan gerturatuko gara gela arroxera. Sarri entzuten da “kirolari hori zaharra dago, onenak eman ditu”, baina zein da kirola eta adinaren arteko erlazioa? Behin adin batetik aurrera ezin al da goi mailako txapelketarik irabazi? Zein adin arte aritu liteke kirol profesionalean? Adinarekin lehiakortasuna galtzen al da? Galdera hauek erantzuten saiatuko gara, beti ere playeroetako kiniela egin ostean nola ez! Hau dena beti bezala bihar, ostirala 18.00tatik aurrea Arraio Irratian, FMko 99.3an!!

Gorka Aranberri ostiral honetan Izerditan blai saioan

izerditan blai izerditan blai
2017-10-25

Podcast: Play in new window | Download

Kaixo entzule maite!!

Aste honetako saioan Kantauri itsasoko patroi handia izango dugu gela arroxean. Jakina da arraun denboraldia bukatu dela eta orain denbora gehiago dutela beste ekintza batzuk egiteko eta oraingoan guri tartetxo bat eskainiko digu Gorkak. Berarekin 2017ko denboraldia nola joan aztertuko dugu eta bide batez 2018koari begira ere jarriko gara. Entzuleon galderak ere onartuko ditugu, beraz, zerbait galdetu nahi badiozue gurekin harremanetan jarri eta guk galdetuko diogu.

Honez gain playeroen emaitzak errepasatuko ditugu, iganean izan zen jardunaldian ezusteko bat edo beste eman baizen. Hau dena beti bezala ostiralean 18.00tatik aurrera Arraio Irratian, FMko 99.3an!!

Surf kontuak biharko saioan

izerditan blai izerditan blai
2017-10-19

Podcast: Play in new window | Download

Kaixo entzule maite!

Biharko saioan surf kontuak izango ditugu hizpide. Lehendabizi Ibon Imaz memorialaren berri emango dugu, asteburuan herrian izango den surf txapelketa. Hau aitzakia hartuta, maila gorengo zirkuitua errepasatuko dugu. Landetan izandako emaitzak aztertuko ditugu alde batetik eta bestetik neska eta mutilen sailkapena nola dagoen begiratuko dugu froga baten eta biren faltan baitaude hurrenez-hurren.

Behin uretan murgilduta bodyboardari ere tarte bat eskainiko diogu. Hemen ere froga bakarra falta da maila goreneko zirkuitua bukatzeko eta eskualdeko Alex Urangaren ibilbidea errepasatuko dugu.

Lasai egon entzule, ez gara playeroez ahaztu eta!! Igande honetan emakumezkoen lehendabiziko jardunaldia izango da, gainera berrikuntza handiak dakartza aurtengo honetan. Hau kontuan izanda kinielarekin eta partiden pronostikoak egiten saiatuko gara, animatu zaitez zu ere gure kinielan parte hartzera!!

Hau dena, beti bezala ostiralean 18.00tatin aurrea izango duzu entzungai Arraio Irratian, FMko 99.3an!!

Herriko taldeen emaitzak aztergai biharko saioan

izerditan blai izerditan blai
2017-10-12

Podcast: Play in new window | Download

Kaixo entzule maite!

Aurreko saioan agindu bezala oraingoan herriko taldeen emaitzen inguruan arituko gara. Jakina den bezala talde gehienek denboraldia hasi dute, zein mailetan ari diren, zein helburu dituzten eta orain arte eginiko lana berri ematen saiatuko gara. Betiko kirolez gain aipamen berezia egingo diegu halterofilia eta xakeari, hauek ere albiste izan baitira azken aste honetan.

Ezin dugu ahaztu herriko kirolik maitatuenetako bat, hondartzako futbola edo playeruak. Lehendabiziko jardunaldia jokatu ostean bertan izandako emaitzak eta gure kiniela arrakastatsuaren emaitzak aipatuko ditugu. Hau dena beti bezala ostiralean 18.00tatik aurrera, guk ez baitugu zubirik, ospatzeko ezer ez dugulako!!

Playeroen inguruko saioa denboraldia hasteko

izerditan blai izerditan blai
2017-10-04

Podcast: Play in new window | Download

Kaixo entzule maite!

Udako oporraldi luzearen ostean berriz ere uhinetan gara beste denboraldi batez herriko kirol kontuen berri emateko asmoz. Izerditan blai saioa, aurten ere iaz bezala ostiraletan 18.00tan egingo dugu Putzuzulon dagoen Arraio Irratiko gela arroxetik. Berrikuntza bezala jakin Asier Arangurenen baja dugula atzerrira joan delako, eta abendutik aurrera Aitor Marramendiren itzulera espero dugula, agin lehenago ere saioren batera agertzeko asmotan izan da. Hau kontuan izanda, ostiralero Patxi Magic, Gerard Brigde eta Juanan izango gara Naxariren tartekako presentziarekin.

Aste honetako saioari dagokionez plaieroen inguruko saio bat prestatu dugu. Alde batetik Jon Erzilla izango da gurean Playeruak 2.0 aplikazioaren berri emateko. Ez dakienarentzat jakin dezala app honen bidez plaieroetako informazio bikaina jaso dezakezuela zuen mugikorrean. Orain 3 urte garatutako proiektu honek geldiune bat izan zuen iaz eta aurtengo berrikuntzak zeintzuk diren azalduko dizkigu. Bestetik Amaia eta Nere izango dira gurean emakumezkoen plaieroak bizi duen egoeraren berri emateko. Denboraldi hasiera honetan talde batzuk desagertu direnez arazoak dituzte liga osatzeko. Oraingoz 3 talde osatu dira eta laugarrena zalantzan dago, jakin inor interesaturik balego plaieroetan jolasteko honako helbidera idatzi besterik ez duela: neskanplaieruak@gmail.com

Ahaztu gabe, gure gonbidatuekin ere gizonezkoan lehendabiziko jardunaldiko kiniela ere egingo dugu, zuek ere animatu horretara!!