Press "Enter" to skip to content

Egilea: arraio

URTEBETE UHINETAN!!

2006ko maiatzaren 20a izan zen. 20 urteren ondoren, Arraio Irratiak, berriz ere, uhinetara jauzi egin eta FMko 99.3az jabetu ginen. Ordutik haize gogorrak jasan ditu gure antenak baina erauntsi guztien gainetik zutik dirau eta inoiz baino potentzi gehiagorekin gainera!

Pantailen inkomunikazio garaian bizi garen honetan, egoera guzti hau iraultzera gatoz. Gure ahotsak horma guztiak suntsituko dituzten misilak dira, zuen belarrizuloeetatik sartuz garunak astindu, kontzientzian eragin eta parean jarritakoa kritikatuz. Baina ez gara hor geratzen.
Irrati librea garenez, badugu apostu garrantzitsuago bat: zuen ahotsa izatea.
Desinformazioari aurre egiteko, inguruko zein urruneko albisteen ikuspuntua, hedabide ofizialek ixilarazten duten horixe bera da interesatzen zaiguna, beti ere, komunikabide partehartzaile eta ireki bat osatuz.


urtebete

Maiatzaren 26an erreflexionatzeak ez du ezertarako balio, beraz hemen Arraio Irratiaren urteurrena ospatzeko egitaraua!!

·Goizeko 10:00ak aldera: herrian zehar diana Alprojako mimoen eskutik

·Eguerdiko 12:00tan Gaztetxean: Arraio Bolen bila!! Ume eta helduentzako joku aparta!

·Atsaldeko 14:00ak inguru bazkaria Gaztetxean!! Sarrerak Arrano, Eguzki eta Gaztetxean
·Bazkalostean lehiaketa bereziak eta sorpresa ugari! Alorito!!

·Ondoren patxaranga-triki-poteoa herrian zehar.

·23:00etan Kontzertu mundiala Gaztetxean, Asturiaseko rokanrola Few Ligths taldearen eskutik!!

·Ondoren, eguneko onena, Air Gitar lehiaketa!! Munduko izar ezerdinen ikuskizuna.

Gogoratu, jokuetan, bazkarian eta AriGitarren parte hartzeko komeni dela aurretik izena ematea. Hortarako Arrano, Eguzki eta Gaztetxean zerrenda ezberdinak daude. Bazkarirako txartelak ostiralarte egongo dira salgai 5 eeuurotan. Honetaz gain, urteurrena ospatzeko KD bat kaleratuko dugu irratsaio guztiekin eta baita grabazio berezi batzuekin ere. Egunean zehar salgai izango da Gaztetxean.

Beraz, badakizue, hasi hautsa kentzen sukalde, gela, lantoki edo kotxeko irratiari eta sintoniza ezazu 99.3an, ez baitzarete damutuko!

Gora Arraio, redio!!

Iritsi zaigu mahai berria!!

Urteurrena hurbiltzen ari zaigu eta Arraio Irratiko gure estudiotxoa txukuntzen eta eraberritzen ari gara. Zentzu horretan, soinu-mahai berria erosteko premia larria genuen, gure entzuleek ongi jakingo duzuen bezala…
Bada, iritsi da! Oraindik ez dakigu oso ondo erabiltzen, horrenbeste botoi eta ixtoriekin, baina oraingoz, probisionalki (jeje) behintzat jarri dugu. Hori bai, gure hari musikalarekin arazotxo batzuk izaten ari gara eta horregatik baliteke abesti batzuk pixkat errepikatzea…

Bitartean, urteurrenarenekin buru belarri gabiltza, laxter urte bete egingo dugulako FMko uhinetan barrena.

Inaxio eta Imanoli eginiko elkarrizketa

Pasa den igandean Ahuntzaren Gauerdiko Eztulean zarauztar gazte hauei eginiko elkarrizketa ekartzen dizuegu denok entzuteko.
Testigantza gordin bezain gogorrak, gertarak bezala eta datorren astean izango duten epaiketa bezala. Gogoratu ostiralean 8retan manifestazioa burutuko dela muntai polizial hau salatzeko.

Besterik gabe, hemen duzue saioa

Arraio mundu guztian entzungai!!

Azkenean hasi gara Internetez emititzen! Oraingoz probatzen gabiltza eta eskertuko genuke entzuleek hemen bertan nola entzuten duten aipatzea.
Gogoratu, gure filosofiarekin jarraituz, formatu askeak erabiltzen ditugula, OGG hain zuzen ere. Ezinezkoa egiten bazaizue Arraio internetez entzutea, batez ere Window$ bezalako sistemak erabiltzen badituzue, hemen begiratu.