Press "Enter" to skip to content

Hilabetea: martxoa 2017

Paraleloan proiektuko lagunak biharko Kaiolatik saioan!!!

elektrope elektrope
2017-03-02

Podcast: Play in new window | Download

Iepa kaixo kaiolazaleok, biharko saioan euskal herri mailako festa elektronikorik beteranoenetakoa izango dugu hizpide, Paraleoan jaialdia alajaina. Egoitz Pomares eta Ekaitz Aiarzaguenak duela 5 urte ekin zioten beren ibilbideari. Hasera batean Bilboko L,mono aretoan eta Donostiako Guardetxean gauzatu zituzten festak, eta gaur egun Bilboko kafe antzokian eta Donostiako Dabadaba aretoan. Urte hauetan Helena Hauff, Hunee, Kode 9, Powell edota Lena Willikens bezalako artista esanguratsuak hurbildu dituzte gure aretoetara, inguruko festa elektronikorik ezagunenenetakoa bilakatuz. Biharko saioan beraiek ezagutu eta beren festaren ibilbideaz gehiago jakiteko aukera izango dugu!!! 20tan punktuan Arraio Irratian!!! Ez galdu!!! UP THE KAIOLS!!!

Playeroak, Naxari eta kirolari politikariak biharko saioan

izerditan blai izerditan blai
2017-03-02

Podcast: Play in new window | Download

Iepa kaixo entzule maite!

Biharko saioan hainbeste maite ditugun kirolari historikoak gogora ekarriko ditugu. Hori baino lehen ordea hondartzako futbola edo playeroen emaitzak aztertuko ditugu. Mutilen fase erregularreko azken partida jokatu zen eta jada badakigu zein kanporaketan izango ditugun ligako final laurdenetan, baita kopakoan ere. Neskek ordea beste jardunaldi bat gehiago dute liga erregularra amaitzeko, beraz oraindik zain egon beharko dugu kanporaketa guztien berri izateko.

Bestalde, historikoen atalean, kirolari moduan aritu ostean (edota bien bitartean) politikara jauzia eman duten hainbat eta hainbat izen ezagun errepasatuko ditugu. Asko dira mundu zabalean bide hau hartu duten kirolariak, gure inguruan ere baditugu zenbait kasu: Xabier Mikel Errekondo, Martinez de Eulate, Titin III., Jon Redondo…. Kirol ezberdinetatik talde politiko ezberdinetara jo dute askok, batzuek lan gutxi eginaz besteak aldiz oso konprometituta. Hauen denen berri izateko ez hutsik egin ostiral arratsaldean 18:00tatik aurrera eta sintonizatu Arraio irratia FMko 99.3an!