Zarauzko irrati askea
Podcast: Play in new window | Download
Larunbat eguerdian Tik-Tara taldeak eman zuen kontzertua ere entzungai duzue podcastean. Arraio Irratiaren 6. urteurrena ospatzeko bazkari berezia egin genuen Gaztetxean eta bazkal ostean irratsaio berezia egin genuen Putzuzuloko gela handitik eta Tik-tara taldeko lau kide gurera hurbildu ziren abesti batzuk jotzera.
Podcast: Play in new window | Download
Atzo Iban Nikolaiek emaniko kontzertua entzungai duzue gure podcastean. Gogoratu gaur ere urteurrenarekin jarraituko dugula eta bazkaria mundialaren ostean, futbito txapelketaren finala izango dugula eta gauean berriz Folkcore eta Gaueko Itzalak taldeen kontzertua. UP ARRAIO!!
Podcast: Play in new window | Download
Maiatzaren 4ean Putzuzulo Gaztetxean egon zen kontzertu akustikoa entzungai duzue. Bertan, Zarauzko 3 bakarlari izan genituen, Aitor Martinez, Isuo Sasia eta Arrutiko Intxaurrak. Aitor Martinez eta Isuo Sasiaren kontzertuak podcastean dituzue. Arrutiko Intxaurrak berriz ezin izan dugu igo grabazioa benetan gaizki atera zitzaigun eta. Aldez aurretik barkamenak.
Eta bide batez, gogoratu kontzertu hau poliziaren errepresio ekonomikoari aurre egiteko antolatu zela. Zarauzko gazte batzuri azken aldian jarri dizkieten multak ordaintzeko egin zen alegia.
Podcast: Play in new window | Download
Gaur gauean Putzuzulo Gaztetxean antolatu den kontzertu akustikoa Arraioko uhin libreetatik entzun ahalko da. Lehendik gure arten izan dugun Todo o Nada kantautorea edukiko dugu berriro ere gurekin. Tierra del aire diskoko azken kontzertuak eskaintzen ari da disko berria grabatzera sartu aurretik eta gure artean egoteko aukera eskaini digu.
Berarekin batera, Ri ta Karre, oriotar gaztea izango da. Ez da bakarrik igoko oholtzara, berarekin beste bi lagun izango ditu laguntzen. Kitarra, biolin eta ukelelez osatutako musika ekarriko digute hauek.
Guzti hau, gaueko 22:00etatik aurrera edukiko duzue, bai Gaztetxean eta baita FMko 99.3an edo internet bidez.
Larunbateko kontzertuak podcastean dituzue entzungai:
Podcast: Play in new window | Download
Atzo Putzuzulo Gaztetxean ospatu zen Bertso Erronka entzungai duzue iada. 1987 eta 1988ko bi kuadrila eduki genituen elkarren aurka bi ordu luzez.
Saioa entzun nahi baduzue, podcastean duzue.
