Zarauzko irrati askea
Etxepare Rap-ek agur esan zigun aurreko ostegunean, Zarauzko Modelo aretoan. Urtebetez emanaldiak ematen jardun ostean bukatutzat jo zuen Imanol Epeldek bere saioa. 2014ko azaroaren 7an Putzuzulo Gaztetxean egin zuen emanaldi osoa grabatu genuen Arraio Irratikoek. Orain, osorik ikusgai duzue:
Podcast: Play in new window | Download
Aurtengo Kopla Txapelketa atzo ospatu zen. 10 bertsolariren artean Igor Elortza garaile izan zen eta Putzuzulo Gaztetxeko zintzarria jantzi zuen bigarrengoz.
Gaztetxea beste behin ere goraino bete zen 3 ordu luzez gozatzeko. Aurten gainera, Aurten Martin eta Xabier Etxeberria anaiak arduratu dira aurkezle lanetan. Sevillana jantzita agertu ziren, ekitaldia iragartzeko karteleko irudiari ohore eginez. Txapelketa 3 fasetan banatu zen. Lehen saioan, 10 bertsolariak ibili ziren kopletan. Bigarren faserako, 6 bertsolari sailkatu ziren. Eta finala, Igor Elortza eta Eli Pagolaren artean izan zen, Elortza garaile irten zelarik.
Arraio Irratiak zuzenean emititu zuen saio osoa eta orain podcastean duzue entzungai. Bestalde, kopletako argazkiak ikusi nahi badituzue, Urola-Kostako Hitzaren webgunean duzue ikusgai.
Podcast: Play in new window | Download
Atzo beste ZarataZarautz bikain bat eduki genuen hirukotearekin. Denetariko abestiak entzuteko aukera izan zenuten bertan: Orreaga 778, Aus-Rotten, Antichism, Usura, Trance…
Irratsaioa podcastean duzue. Playlista berriz HEMEN.
Putzuzulo Gaztetxeko aurtengo X. Kopla Txapelketa Arraio bidez entzun ahalko da zuzenean, bai FM eta baita internet bidez.
Aurtengoan, Unai Iturriaga, Eli Pagola, Igor Elortza, Eneritz Zabaleta, Joritz Bastarrika, Amaia Elizagoien, Arnaitz Lasarte, Oihana Iguaran, Anjel Larrañaga eta Beñat Gaztelumedi edukiko ditugu oholtza gainean koplak jaurtitzen. Hauetatik lau gainera, aurreko urteetan urrezko zintzarria lorturikoak dira gainera.
Guzti hau, ostiralean eta 22:00etatik aurrera!!!
Podcast: Play in new window | Download
Aste honetako ZarataZarautz irratsaioan Colapso Beasaindarrak izango ditugu. Material berria grabatu dute eta hau aprobetsatuz, elkarrizketa egingo diegu, beti bezala, gaueko 21:30etatik aurrera 99.3an.
