Press "Enter" to skip to content

Egilea: arraio

Gorka Julioren hitzaldia Arraion entzun ahalko da

arraio arraio
2011-05-27

Maiatzaren 28an, goizeko 10etatik aurrera, Zarauzko Putzuzulo Amets Fabrikan hausnarketa eguna antolatu dugu.

* Helburua: interneten erabileraz hausnarketa egin eta sarean katibu ez geratzeko tresnak zein diren azaltzea.

* Egitaraua: Goizeko 10etatik kafe ordura arte, Gorka Juliok interneten inguruko erabileraz gogoeta egin eta aholku batzuk emango ditu. Guzti hau Arraio Irratiak zuzenean emitituko du FM eta internet bidez. Kafearen ostean, planteatutako puntuen inguruko hausnarketa eta eztabaida egingo dugu, elkarrekin adostasun batera iristeko.

Bazkalostean, sare sozialen erabileraren inguruko hausnarketa egitekotan gabiltza. Nola askatu Facebook eta Twitterrenaganako dependentziatik? Zein beste sare dauzkagu eskura? Batez ere Gorka Juliok IEB11n planteatutakoaren gaineko eztabaida eginez.

* Norentzat. Goizekoa interneteko erabiltzaile arrunt ororentzat, internet kontzienteki erabiltzen ikasteko: zerbitzari bat alokatzen ikasi eta bertan posta eta informazio kudeatzeko lan tresnak nola erabili erakusteko, besteak beste. Bazkalostekoa sare sozialen inguruko erabileraz hausnar egin nahi duen ororentzat.

Animatzen bazara, idatzi zergatik [at] goraprotoiak [dot] com helbidera. Adierazi bazkaritara gelditzeko asmorik duzun.

Hauteskundeen jarraipena Zarauzko herrian

arraio arraio
2011-05-24

Podcast: Play in new window | Download

Aurreko berri batean haipatu bezala, Hala Bedi irratiarekin konexio berezia egin genuen Igande arratsaldean hauteskundeen jarraipen berezi bat egiteko. Bertan, Arraioko lagun bati eta herriko zenbaketetan egon zen bati elkarrizketa egin zioten. Hala Bediren webgunean zintzilikaturik dago nahi izan ezkero.

Hala ere, guk ere gure webgunean eskegita uzten dizuegu entzun nahi baduzue: