Zarauzko irrati askea
Podcast: Play in new window | Download
Atzo Arraio Irratiak 6 urte egin zituen. Eta hau ospatzeko, Putzuzulo Gaztetxea garbitu eta txukuntzeaz aparte irratsaio berezia egin genuen gaur egun gauden saioko kideek.
Itsaso Debekatuak, Bitakora, ZarataZarautz, Izerditan Blai, Zirrimarrak, Atalka, Kaiolatik… Denak Ahuntzaren Gauerdiko Eztula irratsaioko kideek gidatuta. Honez gain, Isuo Sasiia handia ere gurean izan zen kantu pare bat jotzen. Entzun nahi?
Podcast: Play in new window | Download
Uztaro kooperatibak antolaturiko jardunaldi agroekologikoko hitzaldiak entzungai dituzue.
Maiatzaren 4ean, Agroindustria eta elikaduraren krisia lelopean, J. A. López, ekoizle agroekologikoa eta Bah! (Bajo el Asfalto está la Huerta) kooperatibako sortzailea, Anbu (Aitor Aranburu), Gipuzkoako baserritarra, esne eta haragi ekologikoaren ekoizlea eta Ehne sindikatuko kidea eta EHNE-ko kidea den Eneritz eduki genituen.
Maiatzaren 11ean, Pedro Prieto egon zen Nekazaritza eta energiaren krisia lelopean eginiko hitzaldian. Pedro Prietok energiaren inguruko gaietan izugarrizko esperientzia du, energia fotoboltaikoan lan egiten duen kooperatiba batean parte hartzen du eta “crisienergetica.org†erreferentziazko web orriaren koeditorea da.
Hitzaldiak, podcastean dituzue:
Podcast: Play in new window | Download
Atzo Iban Nikolaiek emaniko kontzertua entzungai duzue gure podcastean. Gogoratu gaur ere urteurrenarekin jarraituko dugula eta bazkaria mundialaren ostean, futbito txapelketaren finala izango dugula eta gauean berriz Folkcore eta Gaueko Itzalak taldeen kontzertua. UP ARRAIO!!
Podcast: Play in new window | Download
Atzo Irola Irratikoekin egin genuen solasaldia entzungai duzue. Solasaldia baino lehen, Madrilgo 3 irrati libre ezberdinei eginiko dokumental bat ikusi genuen eta ondoren Irala auzoan kokatua dagoen irrati libre honetako hiru kiderekin egon ginen hizketan. Saioa podcastean duzue beti bezala:
Podcast: Play in new window | Download
Atzo, Arraio irratiaren 6. urteurrenaren baitan eginiko ekitaldietan monologoak izan genituen. Aitor Nabarro eta Jon Plazaola eduki genituen Putzuzulon eta eginiko saioa entzungai duzue gure podcastean.
Bestalde, gogoratu oraindik ere urteurreneko ekintza batzuk ditugula egun hauetan. Bihar bertan esaterako, Irola Irratikoak edukiko ditugu Putzuzulon beraien 25 urtetako esperientzia kontatuz.
