Zarauzko irrati askea
Podcast: Play in new window | Download
Gaur, Zinema Itsuan, azken aldiko klimatologian inspiratu gara eta elurra, hotza eta izotza izango ditugu hizpide. Gainera, Goya sarietan egindako kiniela errepasatuko dugu.
Euskal Herrira salto bat eman eta Ikuspuntua Nafarroako zine dokumentaleko nazioarteko jaialdiaren berri emango dizuegu ere.
Saio borobila gaurkoan ere!!!
21:00etatik aurrera FMko 99.3an
Podcast: Play in new window | Download
Iepa kaixo entzule maiteak!
Biharko saiorako makina bat gai ditugu zuei eskeintzeko. Alde batetik herriko taldeen emaitzak errepasatuko ditugu, eskubaloiko mutilen garaipen garrantzitsua esaterako.
Bestetik halterofiliako taldeak denboraldi berriaren aurkezpenean esandakoak laburtuko ditugu zuentzako. Ezin dugu ahaztu Aiako Bizi Iturri Saria, igande hontean 17.00tan jokatuko den harri jasotze txapelketa. Bertan, izerditan blaien izan genuen Iñigo Eizagirre arituko da lehian.
Playeroei ere tarte bat egingo diogu noski, igande honetan 10. jardunaldia ospatuko baita. Entzule, anima zaitez gure kiniela egitera!
Azkenik, denbora baldin badugu rugbyko >6 nazioen txapelketaren bigarren jardunaldia errepasatuko dugu. Gogoratu hau dena asteazkenean 20.00tatik aurrera izango duzula entzungai.
Podcast: Play in new window | Download
Astearte honetan beste ZarataZarautz saio bat dugu. Aste honetan ez dugu gonbidaturik edukiko baina betiko hirukotea musika jartzeko gogoarekin egongo gara, beti bezala Arraio Irratiko uhin libreetan.
Igande hontan, Otsailak 15, Bruselas eta bartzelonara joango gara.
Bruselasen bizi den Xabier Makazaga zarauztarrarekin izango gara. “El caso Portu-Sarasola. Los encubridores de la tortura al desnudo” argitaratu berri duen liburuaren inguruan aritzeko.
Herrialde katalanetara ere joango gara, Bartzelonan bizi den Jesusu Rodriguezekin solastu asmoz. Directa aldizkariko arduraduna eta “Ciutat Morta”ko gidoilaria dugu. Honekin ere, 4F ostean izandako tortura kasuak izango ditugu hizpide.
Hau dena eta gehixeago Malintxe, Edonato, Sozi eta Zirriren eskutik.
Ez galdu gaurko irratsaioa. 21’etatik aurrera Arraio irratian, FM 99.3an
Podcast: Play in new window | Download
Iepa kaixo kaiolazaleok, biharko saioan Stan Garac-en bixita izango dugu. Azpeitiar gazte hau 2002an hasi zen plater artean nahasketak egiten, eta urte batzu beranduago, 2008an, produkziorako griña sartu zitzaion. Bere bidelagun Charles Ramirez-ekin batera, 2010. urtean kaleratu zuen lehen lana, berau Beatport-eko Top 100-ean sartu zelarik. Erantzuna ikusita, urte hauetan sorkutzan jarraitu eta gaur arte 150 abesti inguru kaleratu dituzte. Abesti hauek Viva music eta Material bezalako zigilu ezagunetan kaleratu dira, eta horretaz gain beraien zigilu propioa ere sortu dute, Hof Records izenarekin.
2012ko udan bere Pianist izeneko abestiak ohiartzun handia izan zuen, Carl cox edota Wally Lopez bezalako izen ezagunek jarri baitzuten beren sesioetan. Aurtengorako ere argitaralpen batzuK dituzte martxan, besteak beste Material eta Stereo zigiluetan kaleratuko direnak. Biharkoan beren produkzioak entzun eta elkarrizketa eder batetaz gozatu ahal izango dugu. Beti bezala, 8tan hasi eta 9rak arte Arraio Irratian, UP THE KAIOLS!!!
