Kaixo lagunok, zemouz gea??? Gaur ostirala izaki beste ordutxo elektroniko bat eskeintzera natorkizue!!! Gaurko honetan Dj Xankaillla-ren bixita izango dugu, eta beti bezala doinu dantzagarriekin etorriko zaigu. House, dance eta elektro doinuak jorratu ohi ditu Xanka-k, beti ere 80.hamarkadako ikuttuarekin. Horretaz gain, hurrengo asteazkena 22 Putzuzulon izango dugun Afraid! taldea ere izango dugu mintzagai, eta beti bezala klasiko batzuk ere errepasatuko ditugu, badakizue, 8tatik 9ta UP THE KAIOLS!!!
Hilabetea: uztaila 2009
Podcast: Play in new window | Download
Arraio irratia birmoldaketa lanetan dabil uda honetan eta honen ondorioz arazo tekniko asko ari gara edukitzen. Atzo, ZarataZarautz irratsaioan, V/A – Euro Trash Retribution (Barbaric Thrash) Vol. VII bildumari errepaso polit bat nahi izan genion eman baina ordenagailuarekin izandako arazoen ondorioz ezin izan genuen mp3 formatuko abestirik jarri.
Hala ere, saio txukun bat egin genuen. Playlista ikusi nahi baduzue, klikatu ezazue HEMEN. Irratsaioa berriz, hemen behean duzue:
Martxan da iada Arraio irratiko udako programazioa. Uztaila, Abuztua eta Iraila bitartean, oporraldi txiki bat hartuko dute irratian ibiltzen diren lagun gehienek.
Honen ondorioz, irratsaio batzuk ez dira Irailerarte itzuliko. Betiko ordutegiarekin jarraituko dutenak, ZarataZarautzko kideak izango dira (asteartetan 21:30etatik 23:00etara). Kaiolatik irratsaioko lagunek, Uztaila osoan zehar egingo dute irratsaioa (ostiraletan, 20:00etatik 21:00etara), Abuztuan jai egingo dutelarik. Honez gain, Izerditan Blai irratsaioak, gure herrian izango diren kirol ikuskizunen inguruan irratsaio bereziak burutuko ditu. Hala nola, Zarauzko estropadak, Frantziako Tourreko etaparen bat, Zaporra pilota txapelketako jarraipenak eta abar luze bat egingo dituzte. Amaitzeko, Ahuntzaren Gauerdiko Eztula irratsaioak ere emanaldi bereziak egingo ditu udako 3 hilabeteetan zehar. Irratsaio hauek, gure webgunearen bidez informatuko dugu.
Beste irratiei dagokienez, uda osoan zehar Info 7 irratiko albistegia entzun ahal izango da aurreko programazioetan bezala. Honez gain, irrati berbereko Kale Gorrian irratsaioa, astelehenetik ostiralera emititzen jarraituko du, goizeko 08:00etatik 09:00etara. Gainontzeko programazio ordu guztiak, musikaz alaituak izango dira.
Datorren programazioaren aurkezpena, Irailaren 22an egingo da. Bertan, Udazken osoan zehar emitituko den programazioa aurkeztuko da. Honen harira, edonork Arraio irratian parte hartu nahiko balu edota irratsaioren bat egin nahiko balu, gurekin kontaktuan jartzera gonbidatzen dugu arraio@arraio.net edota zaratazarautz@arraio.net helbidetara idatziz.
Guzti honez gain, gogoratu uda osan zehar bai ZarataZarautz eta baita Arraio Blueseko lagunek kontzertu ezberdinak antolatu dituztela Zarauzko Putzuzulo Gaztetxean. Arraio irratiko webgunearen bidez informatuko dugu guzti honetaz.
Podcast: Play in new window | Download
Uztailaren 7ko saioan, Diskoiraa taldeko Disepelde izan genuen ZarataZarautz irratsaioan. B jaunarekin batera gustoko musika jarri zigun. Egun horretako Playlista HEMEN duzue.
Irratsaioa entzuteko berriz:
Uztailaren 7ko saioan, ez gara San Ferminetara joango eta ondorioz beste irratsaio zaratatsu bat entzuteko aukera izango duzue. Aste honetako saioan gainera, Diskoiraa taldeko gitarjolearen bisita izango dugu.
Bertan, B jaunaren aurka dueloa izango du Arraioko Ok Korralean. Epaile modura berriz, Lagun izoztua izango dugu. Guzti hau, astearte honetan, gaueko 21:30etatik aurrera izango duzue.