Asteazken honetan izerditan blai bukatu ostean zeharo erotiko jarriko gara eta izerditan blai jarraituko dugu Arraioenean, 9etatik 10etara. Arraioenea pololo eta kulero txuriz jantziko dugu niki arin bat soinean, eta nahi duenak arropak kentzeko aukera izango du. Asteazken honetan koloreak aterako dizkizu Arraioeneak.
Arraio Irratia 99.3 FM
Chaka Brasildarren kontzertua dela eta, Urriaren 7ko ZarataZarautz irratsaioa ez dugu burutuko kontzertuaren antolakuntzan buru belarri gaudelako. Aurreko astean argitaratu genuen bezala, gaurkoan Hell Division eta Chaka Brasildarrek joko dute Zarauzko Putzuzulo Gaztetxean.
Baina grabaturiko irratsaioren bat entzun ahalko da 99.3ko uhinetan, norbaitek kontzertura azaldu ahal ezin badu. Hala ere, gaur gauean Gaztetxera hurbiltzeko gomendioa egiten diegu gure entzuleei.
Putzuzulo Gaztetxearen 3. urteurrenaren arira, Arraio irratiko Izerditan Blai irratsaioak Pala txapelketa herrikoia antolatu du Urria osorako.
Urriaren 8an hasi, eta Azaroaren 8ra arte izango da binakako txapelketa hau. Izena emateko epea, Urriaren 6ra arte egongo da zabaldua Gaztetxean bertan, Arrano, Tarin eta Eguzki tabernetan.
Honez gain, bikote bakoitzak 10 eeuuro jarri beharko ditu apuntatzen den lekuan bertan eta partidak 25 tantutara izango dira. Txapelketaren aurkezpena eta ligaxken zozketa, Putzuzulon egingo da Urriaren 7an eta bikoteko partaide bat azaltzea beharrezkoa izango da.
Nola ez, garaile eta finalistentzat garaikurra eta Azaroaren 8ko Herri bazkariko txartelak izango dira opari gisa.
Beraz, arraio irratiaren partez, Txapelketa honetan partehartzera gonbidatzen zaituztegu.
Urriaren 7an, asteartean, Hardcore kontzertu ikusgarria ikusteko aukera egongo da Arraio irratiko ZarataZarautz irratsaioaren eskutik.
Bertan, Donostialdeko HELL DIVISION taldea hariko da lehen. Ez da Zarautzen jotzen duten lehen aldia izango baina aurrekoetan bezalako kontzertu itzela ematea espero dugu.
Bigarren, Europar biran dagoean CHAKA Brasildarrak beraien D-Beata astinduko dute Putzuzuloko oholtzan. Brasildarrek, Urrian hasi zuten bira eta Euskal Herrian bi kontzertu emango dituzte, lehena Zarautzen eta bigarrena Bilbon.
Kontzertua, 23:00etarako amaitua egon beharko du astebarruko kontzertua baita, horregatik ikusi nahi duenak puntual etortzea gomendatzen da.
Urriaren 1eko Fuck Txaranga irratsaioan, 90eko hamarkadako Euskal Herriko musika taldeez hitzegingo dugu arratsaldeko 19:00etatik, 20:00tara.
Gure herriko festa eta taberna askotan, beti entzun izan ditugu 80ko hamarkadako edota Rock Radikal Vascoko musika taldeak. Baina askotan ahaztu egiten gara guzti horren ondoren hainbat musika estilo ezberdin eta tendentzia berriak sortu zirela gurean. Horregatik gaurko irratsaioan omenaldi txiki bat egingo diegu garai horretako taldeei.
Gaurko saioan, Ama Say, 2 Kate, Balerdi Balerdi, Beti Mugan, Ezin Izan edota King Mafrundi bezalako taldeak entzun ahalko dira.
Beti bezala, zure Fmko 99.3an egongo gara 19:00etatik, 20:00etara.