Kategoria: Irratsaioak

Abenduaren 17ko saioan, Ska Charbuster CD bilduma bikoitzaz hariko gara Fuck Txaranga irratsaioan.

Diska honetan, munduko guztiko Ska talde batzuek, Abba, Queen, Frank Sinatra edota Frank Zappa bezalako artisten bertsioak egiten dituzte, beraien estiloan noski.

Beraz, asteazkenean, Ska doinuak izango ditugu Arraio irratiko kumunean, arratsaldeko 19:00etatik aurrera.

Kaixo denoi!

Hemen dauzkazue pasa den ostiralean Putzuzulo Gaztetxean burutu zen II. Kopla Lehiaketaren grabaketa. On gin!!

2008ko Abenduaren 1a oso egun tristea bilakatu da Euskal kantagintzarentzat. 74 urterekin, agur esan zigun Mikel Laboak eta Fuck txaranga irratsaioko aste honetako ordutxoan omenaldi txiki bat egingo diogu.

Hori bai, kantu batek zioen bezala, gaurkoan hitzak soberan egongo dira, baina gaurkoan ez dira pistolak mintzoko, Euskal kantari handienetako baten doinuak baizik.

Gogoratu, asteazkenean, 19:00etatik 20etara egongo garela arraio irratian.

Kaixo lagunak!!
Igande honetako irratsaioan Jose Mari Perez, TXURI izan genuen hizpide. Hain zuzen ere, azaroaren 29an 21 urte espetxean bahiturik zutelako ekitaldi ugari burutu ziren Zarautzen eta antolatzaileetako batzuk gonbidatu genituen Arraio Irratiko agoitza nagusira.
Ekitaldiko bertso eta abestiak ere aireratu genituen eta amaitzeko, Egoitz Txuriren hilborai egindako elkarrizketa emititu genuen.

Zuzenean entzuterik izan ez bazenu, lasai, HEMEN duzu aukera.

Honekin batera, esan, aurreko astean E-Donatoren itzulera izan genuela! Bere Hego-Hego-Amerikako bidaiari buruz jardun genuen luze eta zabal. Hau hasiera besterik ez da izan, naiz eta datorren igandean (abenduak 7) ezin dugun irratsaiorik egin, indarberriturik etorri zaigu E-Donato.

Pasaden asteko irratsaioa entzuteko HEMEN klikatu eta, gogoratu, fonotekan gure irratsaio guztiak dituzula entzungai!!!

Azaroaren 26ko Fuck Txaranga saioan, Gure Irratiak kaleratutako CD bilduma batetaz hizketan ibiliko gara. Ustaritzeko irrati honek, 2006. urtean sute bat jasan zuen eta beraien estudioa guztiz erre zitzaien. Horren ondorioz, diru bilketa bat egiten hasi ziren eta estudio berria finantzatzeko, Gure irratia, Zure RockanRolla CD bilduma kaleratu zuten.

Diska horretan, Kuraia, Lehiotikan, Captain Nemo, Sorkun edota Surfin Kaos bezalako taldeak aurki ditzakegu eta asteazken honetan, arratsaldeko 19:00etatik aurrera gure uhin libreetan entzuteko aukera izango duzue.