Kategoria: Ahuntzaren Gauerdiko Eztula

Podcast: Play in new window | Download

Kaixo ahuntzok!

Azken egunetan hainbat istilu izan dira Moskuko Spartak taldeko jarraitzaileak Euskal Herrian izan direla eta, faxistak haietako hainbat. Azken gertakarien inguruan eta mugimendu antifaxista jasaten ari den kriminalizazioaren inguruan hitz egingo dugu Sare Antifaxistako kide batekin.

Horrez gain, Ahoztar Zelaieta ere izango dugu gurekin, kolaboratzaileen txokoan. Gainera, ostiralean Hernaniko langileen babes sareko kideak Putzuzulon izan zirela-eta, haiekin grabatutako elkarrizketa txiki bat ere emango dugu.

Hau dena, beti bezala, 21:00etatik aurrera Arraio Irratian! FM 99.3!

Podcast: Play in new window | Download

Kaixo lagunok!

Aste honetan bi elkarrizketa mamitsu izango ditugu Ahuntzan. Batetik, ikasle mugimenduko kide batekin arituko gara Herri Unibertsitatearen inguruan; maila lokalean ari dira orain, eta aurten martxoaren 14 eta 15erako egin dute deialdi nazioanala, Ibaetan.

Bestetik, Portu-Sarasola kasuko azken epaiaren harira, torturari buruz aritzeko aukera izango dugu Xabier Makazaga zarauztarrarekin.

Beti bezala, 21:0oetatik aurrera Arraio Irratian! FM 99.3!

Podcast: Play in new window | Download

Kaixo lagunok!

Elkarrizketa mamitsua izango dugu aste honetan ere. Hauteskunde kanpaina betean dira Italian, eta Maceratako erasoak mahai gainean jarri du faxismoaren arazoa. Potere al Popolo mugimenduko kide Davide Angelilli elkarrizketatuko dugu kontu horien eta, oro har, herrialdeko egoeraren gainean.

Kolaboratzaileen txokoa, berriz, Paul Beitiak beteko digu, Lekore aldizkariaren ingurukoekin. Hori dena, ahuntzon umore finaz lagundua.

Igandero 21:00etatik aurrera, Arraio Irratian! FM 99.3!

Podcast: Play in new window | Download

Kaixo lagunok!

Irratsaio mamitsua izango dugu asteon ere Ahuntzaren Gauerdiko Eztulan. Sirian mediku lanetan ibili da Jonpi, Mugarik Gabeko Medikuekin, eta han ikusi eta bizi izandakoak ekarriko dizkigu gela arroxera. Gerra amaigabe batean murgilduta dago Siria azken urteetan, eta horren ondorioak gertuagotik ezagutu ahal izango ditugu gaur.

Kolaborazioa ere izango dugu, noski. De Miguel auzia pil-pilean dagoen honetan, EAJren inguruko ustelkeriaz egiten ari diren epaiketaren gakoak hurbilduko dizkigu Ahoztar Zelaietak, beste hainbat konturekin batera.

Ez ahaztu, igandero 21:00etatik aurrerra, Arraio Irratian! FM 99.3!

Podcast: Play in new window | Download

Kaixo lagunok!

Egin dugu ba urteko azken irratsaioa ere, modu ezin hobean gainera. Danda gazte asanblada berriko hiru kide izan ditugu gela arroxean, eta sortzen ari diren mugimenduaz zein herriko hainbat gairen inguruan aritu gara solasean. Aspaldiko partez, gainera, Edonato ere etorri da irratira bere galdera-hausnarketak egitera.

Gogoratu, 2018an erkingo diogu berriz irratsaioari Arraioko uhin askeetan. Beti bezala, igandero 21:00etan, FM 99.3!