Press "Enter" to skip to content

Kategoria: Ahuntzaren Gauerdiko Eztula

Hauteskunde gaua zuzenean kaletik!

Iepakaixou ia denoi!

Gaur, apirilak 21, irratsaio berezi bat egin dugu kaletik. Aspaldiko partez Edonatorekin batera mikrofonoa eskuan hartu eta EAEko Legebiltzarrerako hauteskundeen inguruan jardun gara. Hortarako hautesleku ezberdinak bixitatu ditugu eta alderdi politikoen egoitzetara ere joan gara. Arazo tekniko batzuk izan ditugu eta horrexegatik grabaketa ez da kalitate oso onekoa. Dena den, gaurko xelebrekeria zarauzko udaltzain batek Arraiko kamixeta erosi nahi duela zuzenean esan digunekoa izan da. Hau eta gehiago aurkituko duzu grabaketan.

On egin!

PutzuTxikik antolaturiko “Ezberdin bezain eder” ipuin musikatuak

Iepakaixou ia denoi!

Astesantutan gure pekatu ia guztiak purgatu ondoren bueltan gara berriz, pekatzeko prest! Eta itzulera honetan Hiruputzu gaztetxean sortu berri den PutzuTxiki asanbladak antolaturiko aurkezpen ekitaldiko edukiak izan ditugu esklusiban. Izan ere, “Ezberdin bezain eder” izeneko ipuin musikatuak izan dira Nerea eta Marianok taularatu dituztenak eta horiexek entzuteko aukera izan da gure uhin askeetak. Beraiekin solasteko tartea ere hartu dugu eta elkarrizketa bera ere entzungai izan da FMko 99.3an.

Ipun musikatu guztiak entzun nahi izan ezkero hementxe dituzue.

Liburuzaina eta Korrika

Iepakaixou ia denoi!

Gaur, martxoaren17an, Korrikatra zuzeneko konexioa egin dugu irratsaioa hasteko. Arrosa sareko korrespontsalarekin solasean aritu gara umore beltz zoragarri batez Korrikako furgonetan ikusi eta bizitakoei buruz. Ondoren Pier gure liburuzaina etorri zaigu, beti bezala bi liburu gomendiorekin. Amaitzeko Korrikaren abesti guztiak errepasatu ditugu.

Entzun ezazue!

Ainara Legardonekin solasean adimen artifiziala eta kultur sorkuntzaz

Iepakaixou ia denoi!

Gaur, martxoak 10, irratsaio berezi bezain bikaina izan dugu. Horretaz arduratu da Ainara Legardon musikari, artista eta dibulgatzailea. Berarekin azken MEFSST-en eman zuen hitzaldian oinarrituta, kultur sorkuntzan adimen artifiziala izaten ari den eraginari buruz aritu gara hizketan, baina baita gauza askoz gehiagori buruz ere. Argipenak, azalpenak, adibideak, aholkuak… guztiak bere ohiko goxotasun eta argitasunarekin.

Entzun ezazue!