Press "Enter" to skip to content

Kategoria: Berriak

Jokatu ezazue paletan Izerditan Blai irratsaioarekin!!

human_rights human_rights
2009-09-16

Aurten ere Izerditan blai irratsaioak Putzuzulo Gaztetxearen urteurrenean ekitaldi bat antolatu du. II. “Emayon/k Lori” pala txapelketa hain zuzen.

Binakako pala txapelketa hau urriaren 1etik 31era jokatuko da eta partidak 25 tantura izango dira.

Izen ematea irailak 30a baino lehen egin behar da TARIN, ARRANO, EGUZKI edo GAZTETXEAN bertan, bikoteko 10 eeuuro ordaindu behar dira.

Txapelketaren aurkezpena urriak 1ean 19.00tan egingo da Putzuzulo Gaztetxean, bikoteko partaide bat agertzea beharrezkoa da.

Finalistentzat garaikurrak ta urriak 31ean egingo den herri bazkarirako txartelak egongo dira.

Beraz badakizua hasi entrenatzen ta palak astintzen!

Mistkafer eta Metralleta taldeek Putzuzulo Gaztetxean joko dute

human_rights human_rights
2009-09-14

Irailaren 17an, ostegunean, beste kontzertu zaratatsu bat duzue Arraio irratiko ZarataZarautz irratsaioaren eskutik. Gaueko 21:30etatik aurrera, Zaragozakoak diren Mistkafer eta etxean jokatzen duten Metralleta taldeen kontzertuaz gozatzeko aukera izango duzue.

mistkafer.jpg

Emakumez soilik osaturik dagoen Crust taldea da Mistkafer eta aurten bertan, Almax taldearekin batera elkarbanaturiko LP bat kaleratu behar dute. Espainiar estatuan bira txiki bat ari dira ematen eta ostegunean Zarautzen jotzen izango ditugu bigarren aldiz. Metralletakoak berriz, Diskoiraa taldearekin batera elkarbanaturiko EP bat kaleratu ostean laukote izatera pasa dira eta formazio honekin lehen kontzertua emango dute. Askok jakingo duzuen bezala, kontzertua 23:00etarako amaiturik egon behar du, beraz, puntual etortzea asko eskertuko dugu.

Asanblada irekia izango da Igandean

human_rights human_rights
2009-09-11

Datorren Igandean, Irailaren 13an eta 18:30tan, Arraio irratiko Asanblada irekia ospatuko da Putzuzulo Gaztetxeko lehen solairuan. Bertan, ikasturte berriari hasiera emango diogu eta programazio berriaren nondik norakoez hitzegingo dugu.

Horregatik, Zarauzko Irrati onenarekin kolaboratu nahi duen edonork edota saioren bat egin nahi duenak, ateak zabaldurik izango ditu bilera honetan parte hartzeko. Lerro hauen bidez, gonbitea luzatu nahi dizuegu denoi.

arraio2.jpg

PD: Nahiz eta irudikoek beldurra eman, jende jatorra gara.

Euskal Jaitan sintonizatu 99.3a

human_rights human_rights
2009-09-07

Aurreko urtean bezala, Irailaren 9an musika sesio berezia sintonizatzeko aukera izango duzue Arraio irratian. Egun guztian zehar, Euskal Musika onena entzuteko parada izango da.

Beraz, Irailaren 9an, FMko 99.3a sintonizatzeko gomendioa egin nahi dizuegu, bai etxean, kalean, tabernan edota txosnetan.

zdt01.jpg

Hard voor weinig taldeak Putzuzulon joko du

human_rights human_rights
2009-09-02

Arraio irratiko ZarataZarautz irratsaioaren eskutik, Irailaren 7an, astelehenean, galdu ezinezko beste zita zaratatsu bat izango duzue Zarauzko Putzuzulo Gaztetxean. Holandatik biran datozen Hard Voor Weinig Hardcore taldeak joko du bertan. Euskal Herrian eta Espainiar Estatuan burutu behar dute bira hau eta Andoain eta Arrasate eta Bilbon jotzeaz aparte, herrian ere izango ditugu.

zaaaaaat.jpg

Beraiekin batera, Bilbokoak diren eta Crust & Roll indartsua egiten duten Pabellon 314 taldeak joko du. Kontzertua, gaueko 21:00etan hasiko da.