Egilea: izerditan blai

Podcast: Play in new window | Download

Kaixo entzule maiteok!

Aste honetan saio berezi bat izango duzue entzungai. Denbora da Gerard Brigden ahotsa ezin izan dugula entzun bere lan agendarengatik. Gaurkoan ordea gogo biziz izango dugu telefonoaren beste aldean errugbyko 6 nazioen kronika egiteko eta nola ez gure bihotzeko Redphaten berri emateko.

Ondoren Mertxeri deituko diogu, ZAEko emakuzkoen taldeko partaidea da bera. Ostiral honetan 2014ko zarauzko emakumezkoen talde onenaren saria jaso dute arraunlari hauek. Aurreko denboraldian lortutakoa eta aurten lortu nahi denaz jardungo gara berarekin.

Honez gain, playeroen kiniela egingo dugu, 11. jardunaldia ate joka dugulako. Zuek ere hau egiteko aukera izango duzue beti bezela gure aurpegiliburuan, posta elektronikoz (izerditan@arraio.net) edota guri zuzenean eskura emanda.

Saioa amaitzeko Australiara bidaiatuko dugu, Gold Coasten hasi baita Munduko surf txapelketako lehendabiziko froga. Hau dena entzungai izango duzue Arraio Irratian, FMko 99.3an!

Podcast: Play in new window | Download

Iepa kaixo!

Bihar iluntzerako saio bikain bat prestatu dugu entzule guztientzat! Lehengo zatian herriko taldeen emaitzak aipatuko ditugu, asteburuko jardunaldia errepasatuz.

Ondoren playeroez arituko gara. Nesketan fase erregularra amaitu berri da eta kanporaketak nola diren berri emango dizuegu. Kinielen errepasoa ez dugu ahaztuko, noski.

Saioa amaitze aldera igandean Aiako Bizi Iturri Sariaren nondik norakoen berri emango dizuegu. Denbora baldin badugu Australia aldera egingo dugu, bertan munduko surf txapelketako zirkuitua hasiko baita larunbat honetan.

Podcast: Play in new window | Download

Iepa kaixo entzule maiteak!

Biharko saiorako makina bat gai ditugu zuei eskeintzeko. Alde batetik herriko taldeen emaitzak errepasatuko ditugu, eskubaloiko mutilen garaipen garrantzitsua esaterako.

Bestetik halterofiliako taldeak denboraldi berriaren aurkezpenean esandakoak laburtuko ditugu zuentzako. Ezin dugu ahaztu Aiako Bizi Iturri Saria, igande hontean 17.00tan jokatuko den harri jasotze txapelketa. Bertan, izerditan blaien izan genuen Iñigo Eizagirre arituko da lehian.

Playeroei ere tarte bat egingo diogu noski, igande honetan 10. jardunaldia ospatuko baita. Entzule, anima zaitez gure kiniela egitera!

Azkenik, denbora baldin badugu rugbyko >6 nazioen txapelketaren bigarren jardunaldia errepasatuko dugu. Gogoratu hau dena asteazkenean 20.00tatik aurrera izango duzula entzungai.

Podcast: Play in new window | Download

Iepa kaixo entzule maiteak!

Aste honetan gonbidatu berezirik ez dugu izango. Honen ordez herriko taldeen kronika luze zabala izango dituzue entzungai saioaren lehengo zatian. Errugby eta eskubaloi partidetan sakonduko dugu.

Honen ostean hondartzako futbolari eskeiniko dizkiogu minutu batzuk, pasa den jardunaldia eta kiniela errepasatuz.

Azkenik bi kirolai historikori egingo diegu tartetxo bat Arraio Irratiko uhin libreetan: Rafael Guijosa eta Wilfred Agbonavbare. Biak albiste izan dira arrazoi ezberdinengatik, bata Qatarko munduko eskubaloi txapelketako esatari dabilelako eta bestea gaixotasun larri batek beste mundurua eraman duelako. Bien kirol ibilbidea gogoratuko ditugu, baita ondoren egin dutena ere. Hau dena asteazkenean 20.00tatik aurrera FMko 99.3an!!