Egilea: izerditan blai

Podcast: Play in new window | Download

Kaixo entzule!

Gaurko saioaren lehendabiziko zatian herriko taldeen emaitzak errepasatuko ditugu. Jada herriko kirol talde gehienak beraien ligak hasi dituztenez aurreneko txanpa zer moduzkoa izan duten aztertuko dugu.

Saioaren bigarren zatian Ager etorriko da gela arroxera. Orain urte batzuk judoaren mundua ezagutzen lagundu zigun eta oraingoan Jiu-jitsuaren nondik norakoak argituko dizkigu.

Beti bezala zaio zinez interesgarri hau entzuteko sintonizatu 20.00tan Arraio Irratia, FMko 99.3an!!

Podcast: Play in new window | Download

Iepa kaixo!

Gaurko saioan Getariko II. mendi duatloiari eskainiko diogu lehendabiziko zatia. Pedro Ayestaran antolatzailearekin arituko gara larunbat arratsaldean lehiatuko den proba honen nondik norakoen berri izateko.
Bigarrengo zatian playeroen lehendabiziko jardunaldia errepasatzeaz gain, bigarreneko kiniela ere egingo dugu ostiral honetan jokatuko baita. Denbora izanez gero beste zenbait albiste ere jorratuko ditugu. Beraz badakizu, ez hutsik egin eta sintonizatu Arraio Irratia 20.00tan FMko 99.3an!!

Podcast: Play in new window | Download

Kaixo entzule maite!

Gaurko saioko gairik garrantzitsuena hondartzako futbola edo playeruak izango da. Jakingo duzuen bezala igande honetan hasiko da 75. ekitaldia eta kiniela egiteaz gain izena eman duten talde zahar zein berrien azterketa ere egingo dugu. Zorte apur batekin antolakuntzako kide bat ere bertan izango dugu aurtengo urtemuga bereziaz jarduteko.

Bestalde, larunbatean ospatu zen Euskal Kostako bigarren edizioa eta bertako emaitzak gogoratuko ditugu, herriko beste taldeek egindakoarekin batera. Beraz badakizu, ez galdu gaurko saioa eta sintonizatu Arraio irratia 20.00etan FMko 99.3an.

Podcast: Play in new window | Download

Kaixo entzule maite!

Opor luzeen ostean berriz ere gela arroxera gatoz Izerditan blaiko kideak. Ordutegi klasikora bueltatu gara, hau da, asteazkenetan 20.00tan hasiko da gure saioa zuen pintxopotea girotzeko asmoarekin. Erasmuseko txangoaren ostean Asier Aranguren ere itzuli zaigu bekario postua utzi eta nomina ofizialean sartu delarik.

Berritasun hauek aipatu ondoren jakin entzule maite arraun kontuak izango ditugula mintzagai gaurko saioan. Batetik Kontxa eta Liga irabazi dituen Onintza Olaizola, San Juaneko arraunlaria eta bestetik Gari Uranga ZAEko entrenatzailea. Biekin denboraldiak eman duenaz arituko gara eta nola ez, hurrengora begira ere jarriko gara.

Beraz badakizu, saio hau ez galtzeko, sintonizatu Arraio Irratia FMko99.3an 20.00tatik aurrera!!

Kaixo entzule maite! Aurten ere Tourreko etapa bat girotzen arituko gara Gaba tabernan. Datorren asteazkenean 15.15tatik aurrera gure hitz jarioaz gozatzeko aukera izango duzue irratitik, internetetik edota zuzen-zuzenean tabernara gerturatuta. Gogoratu beti bezala etapako irabazlea nor den asmatzeko lehiaketa egingo dugula eta berdinketen kasuan aurrez-aurre egotea hobetsiko dela. Ez hutsik egin eta etorri Gaba tabernara tourreko etaparik motzena jarraitzera!